ଇତିହାସ ରଚିଲା ସେୟାର ବଜାର, ପ୍ରଥମ ଥର ପାଇଁ ୬୦ ହଜାର ଛୁଇଁଲା ସେନସେକ୍ସ
ମୁମ୍ବାଇ: ଇତିହାସ ରଚିଲା ସେୟାର ବଜାର । ପ୍ରଥମ ଥର ପାଇଁ ୬୦ ହଜାର ଛୁଇଁଛି ସେନସେକ୍ସ । ସେପଟେ ନିଫ୍ଟି ବି ୧୭ ହଜାର ୯୦୦ ପାର୍ ହୋଇଛି । ସେୟାର ବଜାରରେ ଉତ୍ସାହ ଯୋଗୁଁ ନିବେଶକଙ୍କ ମଧ୍ୟରେ ଉତ୍ସାହ ଦେଖାଯାଇଛି । ଆଜି ଷ୍ଟକ ମାର୍କେଟ ଖୋଲିବା ମାତ୍ରେ ସେନସେକ୍ସ ୨୭୩ ପଏଣ୍ଟ ବଢ଼ି ୬୦ହଜାରରେ ପହଞ୍ଚିଛି ।
ଷ୍ଟକ ମାର୍କେଟ ଖୋଲିବା ପରେ ଇନଫୋସିସ୍, ଏଚଡିଏଫସି, ଓଏନଜିସି, ଟାଟା କନସଲଟାନ୍ସି, ଆଇସିଆଇସିଆଇ, ଏଚସିଏଲ କମ୍ପାନୀଙ୍କ ସେୟାର ଅଧିକ କିଣାବିକା ଯୋଗୁଁ ମାର୍କେଟରେ ଉତ୍ସାହ ଦେଖିବାକୁ ମିଳିଛି । ଆମେରିକାର କେନ୍ଦ୍ରୀୟ ବ୍ୟାଙ୍କ ଫେଡେରାଲ ରିଜର୍ଭ ସୁଧହାରରେ କୌଣସି ପରିବର୍ତ୍ତନ କରି ନଥିବାରୁ ଭାରତ ସମେତ ଅନ୍ୟ ଦେଶର ସେୟାର ମାର୍କେଟରେ ମଧ୍ୟ ଉତ୍ସାହ ଦେଖିବାକୁ ମିଳିଛି ।
