ପ୍ରଶାସନ ପୋତି ଦେଲା କ୍ୱିଣ୍ଟାଲ୍ କ୍ୱିଣ୍ଟାଲ୍ ଚୁଡ଼ା

ଯାଜପୁର: ପଦାରେ ପଡ଼ିଲା ସ୍ଥାନୀୟ ପ୍ରଶାସନର ପାରିବାପଣିଆ । ଯାଜପୁର ଜିଲ୍ଲା ବରୀ ବ୍ଲକରେ ପୋତା ହୋଇଛି କ୍ୱିଣ୍ଟାଲ କ୍ୱିଣ୍ଟାଲ ଚୁଡ଼ା । ଯାହାକି ସ୍ଥାନୀୟ ଲୋକଙ୍କୁ ଚକିତ କରିଛି । ହୋଲି ପାଇଁ ସରକାରୀ ଛୁଟି ଥିବାବେଳେ କାହା ଅନୁମତିରେ ବ୍ଲକ ପରିସରରେ ଗଚ୍ଛିତ ଥିବା ପାଖାପାଖି ପାଞ୍ଚଶହ କ୍ୱିଣ୍ଟାଲ ଚୁଡ଼ା ପୋତା ଗଲା ? ତାହା ପ୍ରଶ୍ନବାଚୀ ସୃଷ୍ଟି କରିଛି ।

ଏନେଇ ବରୀ ବିଡିଓ ଶିବାନନ୍ଦ ସ୍ୱାଇଁ କହିଛନ୍ତି- ୧୦ ବର୍ଷ ପୂର୍ବରୁ ଏହି ଚୁଡ଼ା ଗଚ୍ଛିତ ଥିଲା । ଜିଲ୍ଲାପାଳଙ୍କ ଅନୁମତି କ୍ରମେ ଏହି ଚୁଡ଼ାକୁ ପୋତି ନଷ୍ଟ କରାଯାଇଛି । ବନ୍ୟା ସମୟରେ ଲୋକଙ୍କ ପାଖରେ ଚୁଡ଼ା, ଗୁଡ଼ ପହଞ୍ଚି ପାରିନଥିବା ବେଳେ ଏତେ ଚୁଡ଼ା କାହିଁକି ଗଚ୍ଛିତ ଥିଲା ବୋଲି ସାଧାରଣ ଲୋକ ପ୍ରଶ୍ନ କରିଛନ୍ତି ।

ତେବେ ପୋତା ହୋଇଥିବା ଚୁଡ଼ା ଓ ଗୁଡ଼ ପ୍ରାୟ ବର୍ଷକ ତଳର ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ୧୦ ବର୍ଷ ଧରି ଏତେ ପରିମାଣର ଚୁଡ଼ା ଓ ଗୁଡ଼ ଗଛିତ ରଖିବାର କାରଣ କ’ଣ ବୋଲି ପ୍ରଶ୍ନ ପଚାରିଛନ୍ତି ସ୍ଥାନୀୟ ବାସିନ୍ଦା ।