୩୦ ବର୍ଷ ପରେ ହେଉଛି ଶନିଦେବଙ୍କ ଏହି ଯୋଗ, ଜାଣନ୍ତୁ କେଉଁ ରାଶିର ବ୍ୟକ୍ତିଙ୍କ ଭାଗ୍ୟ ଖୋଲିବ
ନନ୍ଦିଘୋଷ ବ୍ୟୁରୋ: ଶନିଦେବଙ୍କୁ କର୍ମଫଳ ଦାତା ସ ନ୍ୟାୟର ଦେବତା କୁହାଯାଇଥାଏ । ତାଙ୍କ ୯ଟି ଗ୍ରହର ସ୍ବାମୀ କୁହାଯାଇଥାଏ । ଶନି ଦେବଙ୍କ ଅସ୍ତ ହେଲେ ସାଧାରଣ ଲୋକଙ୍କ ଜୀବନରେ ବିଭିନ୍ନ ପ୍ରକାରର ପରିବର୍ତ୍ତନ ଦେଖିବାକୁ ମିଳିଥାଏ । ଶନି ଗ୍ରହ ଶୃଙ୍ଖଳା, ଧର୍ମବୃଦ୍ଧି, କର୍ମ ଓ ଆଧ୍ୟାତ୍ମିକତା ଉପରେ ପ୍ରଭାବ ପକାଇଥାନ୍ତି । ଜ୍ୟୋତିଷଶାସ୍ତ୍ରରେ କୁହାଯାଇଛି, ଗ୍ରହମାନେ ଏକ ନିଶ୍ଚିତ ସମୟରେ ନିଜ ନିଜ ରାଶି ପରିବର୍ତ୍ତନ କରିଥାନ୍ତି । ଏକ ନିର୍ଦ୍ଧିଷ୍ଟ ସମୟରେ ଗ୍ରହମାନଙ୍କ ରାଶି ପରିବର୍ତ୍ତନ ଏକ ସାମାନ୍ୟ କଥା । ଏହାଦ୍ବାରା ଗ୍ରହଙ୍କ ସହ ଜଡିତ ରାଶିର ବ୍ୟକ୍ତିଙ୍କ ଉପରେ ଭଲ ଓ ଖରାପ ପ୍ରଭାବ ପଡ଼ିଥାଏ । ଆଉ ଏହି ସମୟରେ ଶନିଦେବ ମୀନ ରାଶିକୁ ପ୍ରବେଶ କରୁଛନ୍ତି ।
ଜ୍ୟୋତିଷଶାସ୍ତ୍ର ଅନୁସାରେ, ଶନିଦେବ ଚଳିତବର୍ଷ ମାର୍ଚ୍ଚ ୧୩ ତାରିଖ ସନ୍ଧ୍ୟା ୭ଟା ୧୩ ମିନିଟରେ ମୀନ ରାଶିରେ ଅସ୍ତ ହେବେ । ଆଉ ଏହି ଯୋଗ ପ୍ରାୟ ୩୦ ବର୍ଷ ପରେ ବନିଛି । ଏହାର ପ୍ରଭାବ ବିଶେଷ କରି ମୀନ ରାଶିର ବ୍ୟକ୍ତିଙ୍କ ଉପରେ ଅଧିକ ପଡ଼ିବ । ଯାହା ସକରାତ୍ମକ ରହିବ । ଶନି ଦେବ ପଜେଟିଭ୍ ଏନର୍ଜି ଓ ସୌଭାଗ୍ୟ ନେଇ ଆସିବେ । ଏବେ ଆସନ୍ତୁ ଜାଣିବା, ଶନି ଦେବଙ୍କ ଅସ୍ତ ହେବା ପରେ କେଉଁ କେଉଁ ରାଶିର ବ୍ୟକ୍ତିଙ୍କୁ ଲାଭ ମିଳିବ ।
ଧନୁ ରାଶି
ମୀନ ରାଶିରେ ଶନି ଅସ୍ତ ହେବା ଧନୁ ରାଶିର ବ୍ୟକ୍ତିଙ୍କ ପାଇଁ ଶୁଭଫଳ ଆଣିବ । ସରକାରୀ ଚାକିରି, କର୍ମସ୍ଥଳରେ ପଦୋନ୍ନତି ମିଳିବାର ସମ୍ଭାବନା ରହିଛି । ନିଜ ପ୍ରତିଭା ଦେଖାଇବାକୁ ସୁଯୋଗ ମିଳିବ । ନୂଆ ବ୍ୟବସାୟ ଆରମ୍ଭ କରିବାକୁ ଯୋଜନା କରୁଥିବା ବ୍ୟକ୍ତିଙ୍କ ପାଇଁ ଏହା ସବୁଠାରୁ ଭଲ ସମୟ ରହିବ । ଆୟରେ ବୃଦ୍ଧି ଘଟିବ । ଯାହାଦ୍ବାରା ଆପଣଙ୍କ ଆର୍ଥିକ ସ୍ଥିତିରେ ସୁଧାର ଆସିବ । ଛାତ୍ରଛାତ୍ରୀ ପାଠପଢ଼ାରେ ସଫଳତା ପାଇବାର ସମ୍ଭାବନା ରହିଛି । ବିଦେଶ ଗସ୍ତର ବି ସଙ୍କେତ ରହିଛି । ଦାମ୍ବତ୍ୟ ଜୀବନ ସୁଖମୟ ହେବା ସହ ସ୍ବାମୀ-ସ୍ତ୍ରୀ ଦୂର ସ୍ଥାନକୁ ଯାତ୍ରା କରିପାରନ୍ତି ।
କୁମ୍ଭ ରାଶି
ଶନି ଦେବଙ୍କ ଅସ୍ତ ହେବା କୁମ୍ଭ ରାଶିର ବ୍ୟକ୍ତିଙ୍କୁ ଶୁଭଫଳ ଦେବ । ଦୀର୍ଘଦିନ ଧରି ଲାଗି ରହିଥିବା ସମସ୍ୟାର ସମାଧାନ ହେବ । ହଠାତ ଧନପ୍ରାପ୍ତିର ଯୋଗ ରହିଛି । ଏହାଦ୍ବାରା ଋଣ ସୁଝିବାରେ ସଫଳ ହେବେ । ସମ୍ପତ୍ତି ଜନିତ ମାମଲାରେ ଅନୁକୂଳ ନିଷ୍ପତ୍ତି ନେବେ । ଦୀର୍ଘଦିନ ଧରି ପଡ଼ି ରହିଥିବା କାମ ଶେଷ କରିବାରେ ସଫଳତା ହାସଲ କରିବାର ଯୋଗ ରହିଛି । କର୍ମକ୍ଷେତ୍ରରେ ସମସ୍ୟାର ସମାଧାନ ଯୋଗ ରହିଛି । ଆର୍ଥିକ ସ୍ଥିତିରେ ସୁଧାର ଆସିବ । କ୍ୟାରିଅରରେ ଆଶାତିତ ଲାଭ ପାଇବେ । ନୂଆ ବ୍ୟବସାୟ ଆରମ୍ଭ କରିବାର ଯୋଗ ରହିଛି । ଅତୀତରେ କରିଥିବା ନିବେଶରୁ ଲାଭ ମିଳିବ ।
ମୀନ ରାଶି
ମୀନ ରାଶିରେ ଶନି ଦେବଙ୍କ ଅସ୍ତ ହେବା ଧନ ଓ ପ୍ରସିଦ୍ଧି ନେଇ ଆସିବ । ଆପଣଙ୍କ ଆର୍ଥିକ ସମସ୍ୟା ମାର୍ଚ୍ଚରୁ ଦୂର ହେବାକୁ ଲାଗିବ । ପୁରୁଣା ଋଣ ସୁଝି ପାରିବେ । ସମ୍ପତ୍ତି ଭଲ ଦାମରେ ବିକ୍ରି କରିପାରିବେ । ବ୍ୟବସାୟୀଙ୍କୁ ସଫଳତା ମିଳିବା ସହ ଭଲ ଲାଭ ହେବ । ବ୍ୟବସାୟରେ ନୂଆ ଡିଲ ହେବାର ଯୋଗ ରହିଛି । ଘର, ଅଳଙ୍କାର ସ ଯାନବାହାନ କିଣିବାର ଯୋଗ ରହିଛି । ବିବାହଯୋଗ୍ୟ ବ୍ୟକ୍ତିଙ୍କୁ ଶୀଘ୍ର ଭଲ ଖବର ମିଳିବାର ଯୋଗ ରହିଛି ।
