ରାଜ୍ୟ ବ୍ୟବସାୟୀ ସଂଘର ବଡ଼ ନିଷ୍ପତ୍ତି: ଦିନ ୨ଟା ପରେ ବନ୍ଦ ରହିବ ଦୋକାନ ବଜାର
1 min read
ଭୁବନେଶ୍ୱର: ଏଣିକି ଦିନ ୨ଟା ପରଠାରୁ ବନ୍ଦ ରହିବ ଦୋକାନ ବଜାର। ମେ’ ୩ରୁ ୧୫ ତାରିଖ ପର୍ଯ୍ୟନ୍ତ ଦିନ ୨ଟା ପରେ ବନ୍ଦ ରହିବ ଦୋକାନ ବଜାର । ଦୋକାନ ବନ୍ଦ ରଖିବାକୁ ରାଜ୍ୟ ବ୍ୟବସାୟୀ ମହାସଂଘର ନିଷ୍ପତ୍ତି । ଏ ନେଇ ମହାସଂଘ ସମ୍ପାଦକ ସୁଧାକର ପଣ୍ଡା ସୂଚନା ଦେଇଛନ୍ତି । କିନ୍ତୁ ସେ ସମୟରେ ସାମଗ୍ରୀ ଲୋଡିଂ ଏବଂ ଅପ୍ଲୋଡିଂ ଜାରି ରହିବ । ଘରୁ ବାହରକୁ ବାହାରିବା କମାଇବା ପାଇଁ ମହାସଂଘ ପକ୍ଷରୁ ଏଭଳି ନିଷ୍ପତ୍ତି ନେଇଛୁ । ଏ ସମ୍ପର୍କରେ ଆସନ୍ତାକାଲି ଭିଡିଓ କନ୍ଫରେନ୍ସିଂ ଜରିଆରେ ଏ ନେଇ ବିସ୍ତୃତ ଆଲୋଚନା ହେବ । କେଉଁ କେଉଁ ସବୁ ଦୋକାନ ବନ୍ଦ ରହିବ କେଉଁ ଦୋକାନ ଖୋଲା ରହିବ ବ୍ଳୁ୍-ପ୍ରିଣ୍ଟ ପ୍ରସ୍ତୁତ କରାଯିବ । ଏ ନେଇ ପୂର୍ବରୁ ବିଭିନ୍ନ ବ୍ୟବସାୟୀ ଆସୋସିଏସନ୍ ପକ୍ଷରୁ ପ୍ରସ୍ତାବ ମିଳିଥିଲା । ବର୍ତ୍ତମାନର ସମୟର ଆହ୍ୱାନକୁ ଅନୁଭବ କରି ସମସ୍ତ ବ୍ୟବସାୟୀ ସଂଘ ଏହାକୁ ଗ୍ରହଣ କରିବେ ବୋଲି ସେ କହିଛନ୍ତି ।
