ଗଞ୍ଜେଇ ଖୋଜୁ ଖୋଜୁ ମିଳିଲା କୁଇଣ୍ଟାଲରୁ ଅଧିକ ରୂପା ଇଟା

କଟକ: କଟକ ଟାଙ୍ଗୀରୁ ବିପୁଳ ପରିମାଣରେ ରୂପା ଇଟା ଜବତ । ଟାଙ୍ଗୀ ଟୋଲଗେଟ୍ ନିକଟରେ ଅବକାରୀ ଗୁଇନ୍ଦା ବିଭାଗ ଗଞ୍ଜେଇ ଚୋରା ଚାଲାଣ ସଂପର୍କରେ ଖବର ପାଇ ଚଢ଼ାଉ କରିଥିଲା। ତେବେ ଖୋଳତାଡ଼ ବେଳେ କୁଇଣ୍ଟାଲେରୁ ଅଧିକ ରୂପା ଇଟା ଓ ଅଳଙ୍କାର ଜବତ ହୋଇଛି।

କାଗଜରେ ଗୁଡାଇ ରୁପା ଇଟା ଗୁଡ଼ିକୁ ପ୍ୟାକ୍ କରାଯାଇଥିଲା। ଗାଡ଼ିର ସିଟ୍‌ ତଳେ ଥାକ କରି ରଖାଯାଇଥିଲା। ଗୋଟେ ରୁପା ଇଟାର ଓଜନ ପ୍ରାୟ ୧୦କେଜିରୁ ଅଧିକ ହେବ। ରୁପା ଇଟା ଚାଲାଣ ଅଭିଯୋଗରେ ଡ୍ରାଇଭର ଦିଲ୍ଲୀପ ମଣ୍ଡଳ ଓ ଜଣେ ସହଯୋଗୀଙ୍କୁ ଅଟକ ରଖାଯାଇଛି। ଆସିକାରୁ ଖଡ଼ଗପୁର ଚାଲାଣ ବେଳେ କଟକରେ ରୁପା ଇଟା ଓ ରୁପା ଅଳଙ୍କାର ଜବତ ହୋଇଛି। ସେହିପରି ଚଢ଼ାଉ ବେଳେ ୧୦ ଲକ୍ଷରୁ ଅଧିକ ଟଙ୍କା ମଧ୍ୟ ଜବତ ହୋଇଛି। ରାକେଟ୍ ପଛରେ ଆଉ କିଏ? କେତେବାଟ ଲମ୍ବିଛି ଚେର? ସେନେଇ ତଦନ୍ତ ଆରମ୍ଭ ହୋଇଛି ।