ପୁଣି ଚର୍ଚ୍ଚାରେ ଯାତ୍ରା ଅଭିନେତା ପୀୟୂଷ, କହିଲେ ମୁଁ ସିଂହବାହିନୀରେ କାମ କରିବି

ନନ୍ଦିଘୋଷ ବ୍ୟୁରୋ: ପୁଣି ଚର୍ଚ୍ଚାରେ ଯାତ୍ରା ଅଭିନେତା ପୀୟୂଷ ତ୍ରିପାଠୀ। ଗଣମାଧ୍ୟମରେ ସେ କହିଛନ୍ତି- ସେ ସ୍ବାସ୍ଥ୍ୟଗତ କାରଣରୁ ଗୋଟିଏ ବର୍ଷ ଯାତ୍ରା ଅଭିନୟରୁ ବିରତି ନେଇଛନ୍ତି। ତେଣୁ ୨୦୨୬ ମସିହାରୁ ପୁଣି ଚୁକ୍ତି ଅନୁଯାୟୀ ଚାରି ବର୍ଷ ସିଂହବାହିନୀ ସହ କାମ କରିବେ। ତେଣୁ ଟଙ୍କା ଓ ଗାଡି କାହିଁକି ଫେରାଇବି ବୋଲି ସେ ପ୍ରଶ୍ନ କରିଛନ୍ତି। ଯଦି ମାଲିକ ସଂଘ ବା ମାଲିକମାନେ ଚାହାନ୍ତି ପୀୟୂଷ ଶୀଘ୍ର କାମକୁ ଫେରି ଆସିବ। ଯାତ୍ରା ଜଗତରେ `ମୁଁ’ ଶବ୍ଦ ଛାଡିବା ଲାଗି ସେ ଆହ୍ବାନ ଦେଇଛନ୍ତି। ଯାତ୍ରା ଜଗତ ପରି ଗୋଟିଏ ବଡ ପରିବାରରେ ଅସନ୍ତୋଷ ରହିବା ସ୍ବଭାବିକ। ଚାପି ହୋଇ ରହିଥିବା ଅସନ୍ତୋଷ ଏବେ ବିସ୍ଫୋରକ ରୂପ ନେଇଛି। ଏହାକୁ ସମାଧାନ କରିବା ସମସ୍ତଙ୍କର ଦାୟିତ୍ବ ବୋଲି ସେ କହିଛନ୍ତି।