ବନବିଭାଗ କବଜାରେ ବାଘଛାଲ ବେପାରୀ । ନୂଆପଡା ଖଡ଼ିଆଳ ବନବିଭାଗ ପକ୍ଷରୁ ପୃଥକ ପୃଥକ ସ୍ଥାନରେ ଚଢ଼ାଉ କରି ଦୁଇଟି କଲରା ପତରିଆ ବାଘ ଛାଲ ସହ ଦୁଇଟି ସମ୍ଭର ଶିଙ୍ଗ ଜବତ କରାଯାଇଛି । ଘଟଣାରେ ସହ ୬ ଜଣଙ୍କୁ ଗିରଫ କରାଯାଇଛି । ବନବିଭାଗର ଏକ ଟିମ ବୋଡେ଼ନ ରେଞ୍ଜ ଅଧିନସ୍ଥ ଶରଧାପୁର ଗାଁରେ ଚଢ଼ାଉ କରି ଗୋଟିଏ କଲରାପତରିଆ ବାଘଛାଲ ସହ ଦୁଇଟି ସମ୍ଭର ଶିଙ୍ଗ ଜବତ କରିଥିବା ବେଳେ ଚାରି ଜଣଙ୍କୁ ଗିରଫ କରାଯାଇଛି । ଗିରଫ ମାନେ ହେଲେ ଶରଧାପୁର ଗାଁ ର ଦିନେଶ ମାଝୀ, ଶୁକରାମ ଚିନ୍ଦା, କେନ୍ଦୁବାହାରା ଗାଁର କୁମା ଚନ୍ଦ୍ର ମାଝୀ, ଖଇର ପଡ଼ାର ମଧୁସୂଦନ ମାଝୀ । ସେହିପରି ନୂଆପଡା ରେଞ୍ଜର ପାତାଳଗୁଡ଼କରୀ ଗାଁରେ ଚଢ଼ାଉ କରି ଏକ କଲରା ପତରିଆ ବାଘ ଛାଲ ଜବତ କରିଥିବା ବେଳେ ବାପା ପୁଅକୁ ଗିରଫ କରାଯାଇଛିଛି । ବାପା ମହେଶ ସାହୁ ଏବଂ ପୁଅ ଗଜାନନ ସାହୁ ବୋଲି ଜଣା ପଡିଛି । ଗିରଫ ୬ ଜଣଙ୍କୁ କୋର୍ଟ ଚାଲାଣ କରାଯାଇଥିବା ଡିଏଫଓ ସୂଚନା ଦେଇଛନ୍ତି ।
