ଗ୍ରାନାଇଟ ପଥର ଖସି ୬ ଓଡ଼ିଆ ଶ୍ରମିକ ମୃତ

ନନ୍ଦିଘୋଷ ବ୍ୟୁରୋ: ଆନ୍ଧ୍ରପ୍ରଦେଶର ବାପାଟଲାରେ ଥିବା ଗ୍ରାନାଇଟ ଖାଦନରେ ଅଘଟନ । ବିରାଟକାୟ ଗ୍ରାନାଇଟ ପଥର ଖସି ୬ ଜଣ ଓଡ଼ିଶ ଶ୍ରମିକଙ୍କ ମୃତ୍ୟୁ ଘଟିଛି । ଦୁର୍ଘଟଣା ସମୟରେ ୧୫ ଜଣ ଶ୍ରମିକ ଉପସ୍ଥିତି ଥିବା ଜଣାପଡିଛି । ଏବେ ବି ପଥର ତଳେ କିଛି ଶ୍ରମିକ ଫସି ରହିଥିବା ସନ୍ଦେହ କରାଯାଉଛି । ସେମାନଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜୋରସୋରରେ ଚାଲିଛି ।

ମିଳିଥିବା ଖବର ଅନୁସାରେ, ଆନ୍ଧ୍ରର ବାପାଟଲାରେ ଥିବା ବିଲିକୁରୂପା ପଥର ଖାଦନରେ ଏହି ଅଘଟଣ ଘଟିଛି । ଶ୍ରମିକମାନେ ଖାଦନରେ ଗ୍ରାନାଇଟ୍ ପଥର ଖନନ କରୁଥିବା ବେଳେ ଏକ ବିଶାଳକାୟ ପଥର ସେମାନଙ୍କ ଉପରେ ପଡ଼ି ଯାଇଥିଲା । ଫଳରେ ଘଟଣା ସ୍ଥଳରେ ୬ ଜଣ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଛି ।