ଆକାଶଛୁଆଁ ପରିବା ଦର । ହାଣ୍ଡିଶାଳରୁ ପରିବା ଗାଏବ

ନନ୍ଦିଘୋଷ ବ୍ୟୁରୋ : କନ୍ଦାଉଛି ପରିବା ଦର । ହାଣ୍ଡି ଶାଳରୁ ପରିବା ଗାଏବ । ସୋନପୁରରେ ଆକାଶଛୁଆଁ ଦରଦାମ । ରେକର୍ଡ କଲାଣି ସମସ୍ତ ପରିବା ଦର । ବଜାରରେ କଞ୍ଚାଲଙ୍କା କିଲୋ ୧୨୦ ଟଙ୍କାରେ ପହଞ୍ଚିଥିବା ବେଳେ ଅଦା, ଟମାଟୋ ଦର ୧୨୦ ପାର କରିଛି । ସେହିପରି ବାଇଗଣ ,ପୋଟଳ, କାଙ୍କଡ ଦର ଲୋକଙ୍କ ପକେଟକୁ ବେଶ ବାଧୁଛି ।

ବର୍ତ୍ତମାନ ସାରା ରାଜ୍ଯରେ ଡ୍ରାଇଭର ମାନଙ୍କ ଷ୍ଟିଅରିଂ ଛାଡ ଆନ୍ଦୋଳନ ଚାଲୁଥିବା କାରଣରୁ ବାହାର ରାଜ୍ଯରୁ ପନିପରିବା ଆସିପାରୁନାହିଁ । ଫଳରେ ସୋନପୁର ବଜାରରେ ପନିପରିବା ଅଭାବ ହେବା ସହ ବଢୁଛି ପନିପରିବା ଦର । ଯାହାକୁ ନେଇ ଚିନ୍ତାରେ ଖାଉଟି । ଅନ୍ଯପଟେ ଡ୍ରାଇଭର ମାନଙ୍କ ପାଇଁ କିଛି ପରିମାଣରେ ପରିବା ଦର ବଢିଥିଲେ ମଧ୍ଯ ସବୁ ନିୟନ୍ତ୍ରଣରେ ଅଛି ବୋଲି କହିଛନ୍ତି ଜିଲ୍ଲା ଯୋଗାଣ ଅଧିକାରୀ ।

ସୋନପୁର ଜିଲ୍ଲାରୁ ଉତ୍ପାଦିତ ପନିପରିବା ସାରା ପଶ୍ଚିମ ଓଡିଶାର ଲୋକଙ୍କ ଚାହିଦାକୁ କିଛି ପରିମାଣରେ ପୂରଣ କରିଥାଏ । ହେଲେ ଜିଲ୍ଲାରେ ଉତ୍ପାଦିତ ଫସଲ ସଂରକ୍ଷଣ ପାଇଁ ଶୀତଳଭଣ୍ଡାର ଟିଏ ନାହିଁ । ଫଳରେ ଚାଷୀ ଉତ୍ପାଦନ ସମୟରେ କ୍ଷତି ସହୁଥିବା ବେଳେ ଅନ୍ଯ ସମୟରେ ଖାଉଟି ମହଙ୍ଗାମାଡର ଶିକାର ହେଉଛନ୍ତି । ଆଗାମୀ ଦିନରେ ଦର ନକମିଲେ ଲୋକେ ହଇରାଣ ହେବେ ନିଶ୍ଚୟ