ପ୍ରଥମଥର ମହିଳା ଫିଫା ବିଶ୍ବକପ ଜିତିଲା ସ୍ପେନ୍

ନନ୍ଦିଘୋଷ ବ୍ୟୁରୋ: ଇଂଲଣ୍ଡକୁ ୧-୦ ଗୋଲରେ ହରାଇ ଇତିହାସ ରଚିଛି ସ୍ପେନ୍ । ମହିଳା ଫିଫା ବିଶ୍ବକପରେ ଚାମ୍ପିୟନ ହୋଇଛି ସ୍ପେନ୍ । ଖେଳ ଆରମ୍ଭରୁ ଇଂଲଣ୍ଡର ଖେଳାଳିମାନେ ଲଢ଼ୁଆ ପ୍ରଦର୍ଶନ କରିଥିଲେ । ମାତ୍ର ସେକେଣ୍ଡ ହାଫରେ ସ୍ପେନ ଦମଦାର ପ୍ରଦର୍ଶନ କରି ଗୋଲ ଦେବାରେ ସକ୍ଷମ ହୋଇଥିଲା । ସ୍ପେନ ଜିତିବାର ମୁଖ୍ୟ କାରଣ ହେଉଛି ଖେଳାଳିଙ୍କ ମଧ୍ୟ ତାଳମେଳ । ଇଂଲଣ୍ଡ ଅପେକ୍ଷା ସ୍ପେନର ଖେଳାଳିମାନେ ଅଧିକ ପାସ ଦେଇଥିଲେ । ଚଳିତ ସିଜିନରେ ଭଲ ପ୍ରଦର୍ଶନ କରିଛି ସ୍ପେନ । ବିଶ୍ବ ତାଲିକାର ୬ ନମ୍ବର ସ୍ଥାନରେ ଥିବା ଏହି ଦଳ ନମ୍ବର ଓ୍ବାନ ଟିମ୍ ଜାପାନକୁ ମଧ୍ୟ ହରାଇଛି । ସ୍ପେନ ନକଆଉଟ୍ ପର୍ଯ୍ୟାୟରେ ସ୍ବିଜରଲ୍ୟାଣ୍ଡକୁ ପରାସ୍ତ କରିଥିବାବେଳେ କ୍ବାଟର ଫାଇନାଲରେ ନେଦରଲ୍ୟାଣ୍ଡକୁ ହରାଇଥିଲା । ସେପଟେ ସେମିଫାଇନାଲରେ ସ୍ବିଡେନ ସହ କଡ଼ା ଟକ୍କର ଦେଇ ଫାଇନାଲ ଟିକେଟ ହାତେଇଥିଲା ।