ଭୁବନେଶ୍ୱର: ଆଜିଠୁ ଆରମ୍ଭ ହେବ ଯୁକ୍ତ ତିନି ଦ୍ୱିତୀୟ ବର୍ଷ ଓ ପିଜି ପ୍ରଥମ ବର୍ଷର ପାଠପଢ଼ା। ଏଥିପାଇଁ ଗତ ସୋମବାରଠୁ ଛାତ୍ରଛାତ୍ରୀ ମାନେ ଆସି ହଷ୍ଟେଲକୁ ଆସିଲେଣି। କୋଭିଡ ଗାଇଡଲାଇନକୁ କଡ଼ାକଡି ଭାବେ ପାଳନ କରି ପାଠପଢା ହେବ। ଏନେଇ ବିଶ୍ୱବିଦ୍ୟାଳୟ ଓ କଲେଜ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି। ସେହିପରି କ୍ୟାମ୍ପସକୁ ବିଶୋଧନ ମଧ୍ୟ କରାଯାଇଛି। କଲେଜ୍ ପରିସରରେ ଭିଡ ନକରିବାକୁ ପରାମର୍ଶ ଦେଇଛନ୍ତି ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ। ଦୀର୍ଘ ଦିନ ହେବ କରୋନା ପାଇଁ ସବୁ କଲେଜ ବନ୍ଦ ରହିଥିଲା। କଲେଜ ବନ୍ଦ ରହିବା ଫଳରେ ସବୁ ପରୀକ୍ଷା ବନ୍ଦ ହୋଇଯାଇଥିଲା। ପାଠ ପଢ଼ା ପୁରା ଠପ୍ ହୋଇଥିଲା। କିନ୍ତୁ ରାଜ୍ୟରେ କରୋନା କମିବା କାରଣରୁ ଏବେ ଧିରେ ଧିରେ ସବୁ ସ୍କୁଲ କଲେଜ ଖୋଲିବାକୁ ଲାଗିଛି।
