ସୁବର୍ଣ୍ଣପୁର ସନ୍ଦୀପ ସାହୁ ହତ୍ୟା ଘଟଣାରେ ୩ ଅଭିଯୁକ୍ତ ଗିରଫ
1 min read
ସୁବର୍ଣ୍ଣପୁର: ବିନିକା ସହରର ସନ୍ଦୀପ ସାହୁ ହତ୍ୟା ଘଟଣାର ପର୍ଦ୍ଦଫାସ କରିଛି ସୁବର୍ଣ୍ଣପୁର ଜିଲ୍ଲା ପୋଲିସ । ଘଟଣାରେ ୩ଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ମାନେ ହେଲେ ବିନିକା ସହରର କାର୍ତ୍ତିକ ନାଗ, ନେନ୍ଦ୍ର କୁମାର ବେହେରା ଓ ଉଲୁଣ୍ଡା ବ୍ଲକର ଦିବ୍ୟ ଜଗଦଲା ବୋଲି ଜଣାପଡ଼ିଛି । ଗତ ୧୪ତାରିଖରୁ ବିନିକା ସହରର ସନ୍ଦୀପଙ୍କ ଘରୁ ନିଖୋଜ ଥିବା ପରିବାର ଲୋକେ ବିନିକା ଥାନାରେ ଅଭିଯୋଗ କରିଥିଲେ । ଏସମ୍ପର୍କରେ ବିନିକା ପୋଲିସ ଅନୁସନ୍ଧାନ ଜାରି ରଖିଥିବା ବେଳେ ହଠାତ ୧୮ତାରିଖ ଦିନ ଏକ ଶବ ବୈଦ୍ଧ ଜିଲ୍ଲା ଜହ୍ନାପଙ୍କ ମହାନଦୀ ଘାଟରେ ଲାଗିଥିଲା । ପରେ ଏହାକୁ ସୋନପୁର ପୋଲିସ ସନ୍ଦିପର ଶବ ବୋଳି ଚିହ୍ନଟ କରି ଶବ ବ୍ୟବଚ୍ଛେଦ କରିଥିବା ବେଳେ ସନ୍ଦିପର ପରିବାର ଲୋକେ ଏହା ଏକ ସୁଚିନ୍ତିତ ହତ୍ୟା ବୋଲି ଅଭିଯୋଗ କରିଥିଳେ । ପରେ ବିନିକା ପୋଲିସ ୩ଜଣଙ୍କୁ ଗିରଫ କରି ତାଙ୍କ ଠାରୁ ହତ୍ୟାରେ ବ୍ୟବହୃତ ଏକ ଛୁରି ଓ ସ୍କୁଟି ଜବତ କରିଛି । ଏହାକୁ ନେଇ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ଏକ ସାମ୍ବାଦିକ ସମ୍ମିଳନିରେ ସୂଚନା ଦେଇଛନ୍ତି ।
