ମୋତେ ୮୦ ବର୍ଷ ହେଲାଣି, ଆଉ ନିର୍ବାଚନ ଲଢିବିନି: ସୁର ରାଉତରାୟ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ 5T ସଚିବ ଭି କେ ପାଣ୍ଡିଆନଙ୍କ ସହ ସୌଜନ୍ୟ ମୂଳକ ସାକ୍ଷାତ କରିଛନ୍ତି ଜଟଣୀ ବିଧାୟକ ସୁର ରାଉତରାୟ। ବଡ଼ ପୁଅ ତଥା ପର୍ବତାରୋହି ସିଦ୍ଧାର୍ଥ ରାଉତରାୟଙ୍କ ସହ ଗତକାଲି ନବୀନ ନିବାସରେ କରିଥିଲେ ସାକ୍ଷାତ।

ଏନେଇ ସେ କହିଛନ୍ତି, ସାକ୍ଷାତ କେବଳ ସୌଜନ୍ୟମୂଳକ ଥିଲା କୌଣସି ପ୍ରକାର ରାଜନୈତିକ ଆଲୋଚନା ହୋଇନାହିଁ। ପୁଅ ସିଦ୍ଧାର୍ଥଙ୍କ ଦ୍ୱାରା ୫ଟି ଉଚ୍ଚତମ ଶୃଙ୍ଗ ସଫଳ ପର୍ବତରୋହଣ ଜାଣି ଖୁସି ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ।

ତେବେ ଆଉ ନିର୍ବାଚନ ଲଢିବେ ନାହିଁ ବୋଲି ସୁର ରାଉତରାୟ କହିଛନ୍ତି । ତାଙ୍କୁ ୮୦ ବର୍ଷ ହେଲାଣି । ତାଙ୍କ ସାନ ପୁଅ ମନ୍ମଥ ରାଉତରାୟ ଆଗାମୀ ନିର୍ବାଚନରେ ଜଟଣୀରୁ ନିର୍ବାଚନ ଲଢିବେ । ମୁଁ ହେଉଛି କଂଗ୍ରେସ , ୫୫ ବର୍ଷ ହେଲା ମୁୁଁ କେବେ କମ୍ପ୍ରୋମାଇଜ୍ କରିନି । ମୋ ପୁଅ ମଧ୍ୟ କଂଗ୍ରେସରୁ ପ୍ରାର୍ଥୀ ହୋଇ ଲଢିବ । ଆମ ଜନ୍ମ ହେଉଛି କଂଗ୍ରେସରେ ଏବଂ ମରିବୁ କଂଗ୍ରେସରେ ବୋଲି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ସୁର ।