ଘୋଷଯାତ୍ରା ପାଇଁ ସୁରକ୍ଷା ବଳୟରେ ସହର ; ଶ୍ରୀକ୍ଷେତ୍ରକୁ ଜଗିଛନ୍ତି ୨ଶହ ପ୍ଲାଟୁନ ଫୋର୍ସ

ନନ୍ଦିଘୋଷ ବ୍ୟୁରୋ : ରଥଯାତ୍ରା ପାଇଁ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଚଳିତବର୍ଷ ୨ଶହ ପ୍ଲାଟୁନ ଫୋର୍ସଙ୍କ ସମେତ ୧୦ ହଜାର ପୋଲିସ କର୍ମଚାରୀ ମୁତୟନ କରାଯାଇଛି  । ୨୭୫ ଟି ଏଆଇ କ୍ୟାମେରା ଲଗାଯାଇଛି । ବମ ସ୍କ୍ୱାଡ଼, ଡ଼ଗ ସ୍କ୍ୱାଡ଼ ସହ ସିସିଟିଭି ସର୍ଭେଲାନ୍ସର ବ୍ୟବସ୍ଥା କରାଯାଇଛି । ସମୁଦ୍ର ପଥ ସୁରକ୍ଷା କୁ ନେଇ ସବୁ ବ୍ୟବସ୍ଥା କରାଯାଇଥିବାବେଳେ ଇଣ୍ଟିଗ୍ରେଟେଡ କମାଣ୍ଡ କଣ୍ଟ୍ରୋଲ ରୁମ୍ କରାଯାଇଛି । ଭୁବନେଶ୍ଵର ପୁରୀ, ପୁରୀ କୋଣାର୍କ ରାସ୍ତା ସହିତ ପୁରୀ ସହର ରେ ୨୭୫ ଟି ଏଆଇ କ୍ୟାମେରା ଲଗାଯାଇଛି। ସେପଟେ ରଥକୁ ଅଣସେବାୟତ ଓ ମୋବାଇଲ ଧରି ଚଢିଲେ ତାକୁ ଜଗିବା ପାଇଁ ଗଠନ ହୋଇଛି ତିନି ରଥ ପାଇଁ ତିନି ଶୋଧ ଦଳ । ନନ୍ଦିଘୋଷ ରଥ ପାଇଁ ଜିଲ୍ଲାପାଳଙ୍କ ନେତୃତ୍ବରେ ୨୩ ଜଣିଆ, ତାଳଧ୍ବଜ ରଥ ପାଇଁ ଏସପିଙ୍କ ନେତୃତ୍ବରେ ୨୩ ଜଣିଆ ଓ ଦର୍ପଦଳନ ରଥ ପାଇଁ ଅତିରିକ୍ତ ଜିଲ୍ଲାପାଳଙ୍କ ନେତୃତ୍ବରେ ୨୪ ଜଣିଆ ଶୋଧ ଦଳ ନଜର ରଖିବେ ।

ସେପଟେ ପୁରୀ ପୋଲିସ, ଯାନବାହାନ ଚଳାଚଳ ଉପରେ କଟକଣା ଜାରି କରିଛି । ରଥଯାତ୍ରା, ବାହୁଡ଼ା ଓ ସୁନାବେଶ ଦିନ ପୁରୀ ସହରକୁ ଗାଡ଼ି ପ୍ରବେଶ ଉପରେ କଟକଣା ରହିଛି। ଆଜି ମଧ୍ୟରାତ୍ରରୁ ୨୮ ତାରିଖ ସକାଳ ପର୍ଯ୍ୟନ୍ତ କଟକଣା ବଳବତ୍ତର ରହିବ । ପରବର୍ତ୍ତୀ ସମୟରେ ଭିଡ଼କୁ ଦେଖି ଟ୍ରାଫିକ୍ କଟକଣା ପରିବର୍ତ୍ତନ କରାଯିବ। ଚଳିତ ବର୍ଷ ପ୍ରଥମ ଥର ପାଇଁ ଇଣ୍ଟିଗ୍ରେଟେଡ୍ କମାଣ୍ଡ ଆଣ୍ଡ କଣ୍ଟ୍ରୋଲ ସିଷ୍ଟମ କରାଯାଇଛି। ଏହି ରୁମ୍‌ରେ ରହି ୨୭୫ଟି ଏଆଇ କ୍ୟାମେରା ମାଧ୍ୟମରେ ଉତ୍ତରାଛକରୁ ପୁରୀ ସହର, ପୁରୀରୁ କୋଣାର୍କ ଓ ପୁରୀ ସହରାଞ୍ଚଳର କୌଣସିଠାରେ ଟ୍ରାଫିକ୍‌ ଜାମ୍‌ ସମସ୍ୟାର ମୁକାବିଲା ପାଇଁ ନିଷ୍ପତ୍ତି ନେଇହେବ। ପୁରୀ ପ୍ରଶାସନ ଯାନବାହାନ ଚଳାଚଳ ନିୟମାବଳୀ ଜାରି କରିଛି । ଚାରିଚକିଆ ଯାନ, ଦୁଇ ଚକିଆ ଯାନ ଓ ତୀର୍ଥଯାତ୍ରୀ ଗାଡ଼ି କେଉଁଠି ପାର୍କିଂ ହେବ ସେନେଇ ରୁଟ୍ ଚାର୍ଟ ଦେଇଛି ପ୍ରଶାସନ।