ଫରିଦାବାଦ: ଦିବଗନ୍ତ ଅଭିନେତା ଶୁଶାନ୍ତ ସିଂହ ରାଜପୁତଙ୍କ ପରିବାର ଉପରେ ପୁଣିଥରେ ସଂକଟ ପଡ଼ିଛି। ଶୁଶାନ୍ତଙ୍କ ପିତା କେକେ ସିଂହ ଅସୁସ୍ଥ ହୋଇ ଡାକ୍ତଖାନାରେ ଭର୍ତ୍ତି ହୋଇଛନ୍ତି। ତାଙ୍କୁ ହୃଦଜନିତ ସମସ୍ୟା ହେବାରୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ଜଣାପଡ଼ିଛି।
ସୁଶାନ୍ତଙ୍କ ପିତା ଡାକ୍ତରଖାନାରେ ଭର୍ତ୍ତି ହେବା ନେଇ ସେଲେବ୍ରିଟି ଫଟୋଗ୍ରାଫର ବିରଲ ଭୟାନୀ ସୂଚନା ଦେଇଛନ୍ତ। ସେ ତାଙ୍କ ଇନଷ୍ଟାଗ୍ରାମରେ କେକେ ସିଂହଙ୍କ ଏକ ଫଟୋ ଶେଆର କରିଛନ୍ତି। ଏହି ଫଟୋରେ ସେ ହସ୍ପିଟାଲର ବେଡରେ ବସିଥିବାବେଳେ ତାଙ୍କ ଦୁଇ ପାର୍ଶ୍ୱରେ ସୁଶାନ୍ତଙ୍କ ଭଉଣୀ ପ୍ରିୟଙ୍କା ଏବଂ ମିତୁ ସିଂହ ଛିଡ଼ା ହୋଇଛନ୍ତି। ଏହି ଫଟୋଟି ସୋଶାଲ୍ ମିଡିଆରେ ଭାଇରାଲ ହେଉଛି। ସୁଶାନ୍ତଙ୍କ ପ୍ରଶଂସକମାନେ ତାଙ୍କର ଶୀଘ୍ର ଆରୋଗ୍ୟ କାମନା କରୁଛନ୍ତି।
View this post on Instagram
ସୂଚନାଯୋଗ୍ୟ, ଚଳିତ ବର୍ଷ ଜୁନ ୧୪ରେ ସୁଶାନ୍ତ ସିଂହ ରାଜପୁତଙ୍କ ମୁମ୍ବାଇସ୍ଥିତ ବାସଭବନରୁ ଝୁଲନ୍ତା ଅବସ୍ଥାରେ ତାଙ୍କର ମୃତ ଦେହ ଉଦ୍ଧାର କରାଯାଇଥିଲା। ଏହି ମାମଲାକୁ ୬ ମାସ ବିତିଯାଇଥିଲେ ହେଁ ଏପର୍ଯନ୍ତ ଏହା ହତ୍ୟା କି ଆତ୍ମହତ୍ୟା ସ୍ପଷ୍ଟ ହୋଇପାରି ନାହିଁ । ୩ଟି ତଦନ୍ତକାରୀ ସଂସ୍ଥା ଏନସିବି, ଇଡି ଏବଂ ସିବିଆଇ ଏହି ମାମଲାରେ ତଦନ୍ତ ଜାରି ରଖିଛି। ସୁଶାନ୍ତଙ୍କ ପରିବାର ଲୋକେ ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରାଯାଇଥିବା ଅଭିଯୋଗ କରିଛନ୍ତି।
