T20 ବିଶ୍ବକପ: ଜିମ୍ବାଓ୍ବେକୁ ୭୧ ରନରେ ହରାଇଲା ଭାରତ
1 min read
ମେଲବର୍ଣ୍ଣ: ଟି୨୦ ବିଶ୍ବକପର ସୁପର-୧୨ ଗ୍ରୁପ୍ ବି ମ୍ୟାଚରେ ଭାରତର ଦମଦାର ବିଜୟ । ୭୧ ରନରେ ଜିମ୍ବାଓ୍ବେକୁ ହରାଇ ଗ୍ରୁପ ବିରୁ ଏକ ନମ୍ବର ଟିମ୍ ଭାବେ ଟିମ୍ ଇଣ୍ଡିଆ ସେମିଫାଇନାଲକୁ ଯାଉଛି । ୧୮୭ ରନର ବିଜୟ ଲକ୍ଷ୍ୟକୁ ପିଛା କରି ଜିମ୍ବାଓ୍ବେ ଟିମ୍ ୧୭.୨ ଓଗରରେ ସମସ୍ତ ଓ୍ବିକେଟ ହରାଇ ମାତ୍ର ୧୧୫ ରନ୍ କରିବାକୁ ସକ୍ଷମ ହୋଇଥିଲା । ଜିମ୍ବାଓ୍ବେ ପକ୍ଷରୁ ଏସ. ରାଜ ୩୪ ଏବଂ ଆର. ବୁର୍ଲ ୩୫ ରନ୍ କରିଥିଲେ ବି ଏହା ବିଜୟ ପାଇଁ ଯଥେଷ୍ଟ ହୋଇ ନଥିଲା । ଜିମ୍ବାଓ୍ବେର ୬ ଜଣ ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ପାରି ନଥିଲେ ।
ଭାରତ ତରଫରୁ ରବିଚନ୍ଦ୍ରଣ ଅଶ୍ବିନ ୩ଟି ଓ୍ବିକେଟ ନେଇଥିବା ବେଳେ ମହମ୍ମଦ ସାମୀ ଏବଂ ହାର୍ଦ୍ଦିକ ପାଣ୍ଡିଆ ଦୁଇଟି ଲେଖାଏଁ ଓ୍ବିକେଟ ନେଇଥିଲେ । ଭୁବନେଶ୍ବର କୁମାର, ଅର୍ଶଦୀପ ସିଂ ଏବଂ ଅକ୍ଷର ପଟେଲଙ୍କୁ ଗୋଟିଏ ଲେଖାଏଁ ଓ୍ବିକେଟ ମିଳିଥିଲା ।
ଭାରତ ଟିସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା । ଅଧିନାୟକ ରୋହିତ ଶର୍ମାଙ୍କ ବ୍ୟାଟ ଆଜି ବି କିଛି ଖାସ କରିପାରି ନଥିଲା । ୧୩ ବଲରୁ ମାତ୍ର ୧୫ ରନ୍ କରି ରୋହିତ ଆଉଟ ହୋଇ ଯାଇଥିଲେ । ଅନ୍ୟପକ୍ଷେ ଅନ୍ୟତମ ଓପ୍ନର କେ ଏଲ ରାହୁଲ ୩୫ ବଲରୁ ୫୧ ରନ୍ କରିଥିଲେ । ଏଥିରେ ୩ ଚୌକା ଓ ୩ ଛକା ସାମିଲ ଥିଲା । ବିରାଟ କୋହଲି ୨୫ ବଲର ସମ୍ମୁଖୀନ ହୋଇ ୨ ଚୌକା ସହାୟତାରେ ୨୬ ରନ୍ କରିଥିଲେ । ତେବେ ସୂର୍ଯ୍ୟକୁମାର ଯାଦବଙ୍କଠାରୁ ବିସ୍ଫୋରକ ବ୍ୟାଟିଂ ଦେଖିବାକୁ ମିଳିଥିଲା । ୨୫୪ ବଲ ଖେଳି ୬ ଚୌକା ଓ ୪ ବିଶାଳ ଛକା ସହାୟତାରେ ୬୧ ରନ କରିଥିଲେ ସୂର୍ଯ୍ୟକୁମାର । ଅନ୍ୟମାନଙ୍କ ମଧ୍ୟରେ ପନ୍ତ ୩ ରନ୍ କରିଥିବା ବେଳେ ପାଣ୍ଡିଆ ୧୮ ରନ୍ କରିଥିଲେ । ଟିମ୍ ଇଣ୍ଡିଆ ୨୦ ଓଭରରେ ୫ ଓ୍ବିକେଟ ହରାଇ ୧୮୬ ରନ୍ କରିଥିଲା ।
ଜିମ୍ବାଓ୍ବେ ପକ୍ଷରୁ ଓ୍ବିଲିୟମ୍ସ ୨ ଓଭର ବୋଲିଂ କରି ୨ଟି ଓ୍ବିକେଟ ନେଇଥିଲେ । ସେମି ଫାଇନାଲରେ ଭାରତ ଇଂଲଣ୍ଡକୁ ଭେଟିବ ।
