କ୍ରିକେଟର ମିତାଲି ରାଜଙ୍କ ବାୟୋପିକରେ ନଜର ଆସିବେ ତାପସୀ ପନ୍ନୋ
ମୁମ୍ବାଇ : ଭାରତୀୟ ମହିଳା କ୍ରିକେଟ ଦଳର ଅନ୍ୟତମ ଚର୍ଚ୍ଚିତ ଖେଳାଳି ତଥା ଓ୍ୱିକେଟ୍ କିପର ମିତାଲି ରାଜଙ୍କ ଜୀବନୀ ଉପରେ ନିର୍ମାଣ କରାଯିବ ଫିଲ୍ମ । ଭାୟକମ୍ ୧୮ ମୋସନ୍ ପିକଚର୍ ପ୍ରସ୍ତୁତ କରୁଥିବା ଏହି ବାୟୋପିକର ନାଁ ରଖାଯାଇଛି ସାବାସ୍ ମିଠୁ ।
ଭର୍ସାଟାଇଲ୍ ଅଭିନେତ୍ରୀ ତାପସୀ ପନ୍ନୋ ମିତାଲୀଙ୍କ ଚରିଚ୍ରରେ ଫିଲ୍ମରେ ନଜରକୁ ଆସିବେ । ରଇଜ୍ ନିର୍ଦ୍ଦେଶକ ରାହୁଲ ଢୋଲକିଆ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ତାପସୀଙ୍କୁ ଏଥିରେ ଚୂଡାନ୍ତ କରାଯାଇଥିବା ଏବେ ସୂଚନା ମିଳିଛି ।
ଆଜି ମିତାଲି ରାଜଙ୍କ ଜନ୍ମଦିନ ଅବସରରେ କେକ୍ କାଟି ତାଙ୍କୁ ଶୁଭେଚ୍ଛା ଜଣାଇଛନ୍ତି ତାପସୀ । ନିଜ ଇନଷ୍ଟା ପୋଷ୍ଟରେ ଫିଲ୍ମ ସଂପର୍କରେ ଉଲ୍ଲେଖ କରିଛନ୍ତି । ଦୀର୍ଘ ଦିନରୁ ଜଣେ ସ୍ପୋର୍ଟ ପର୍ସନାଲିଟିଙ୍କ ଉପରେ ବାୟୋପିକ୍ ନିର୍ମାଣ କରିବାକୁ ତାପସୀ ଆଗ୍ରହୀ ଥିବା ଉଲ୍ଲେଖ କରିଥିଲେ । ଏବେ ତାଙ୍କୁ ହାତରେ ଗ୍ଲୋବ୍ସ ପିନ୍ଧିଥିବା ଦେଖିବାକୁ ମିଳିବ ।
