ଏସିଆ କପ ପୂର୍ବରୁ ଟିମ ଇଣ୍ଡିଆର ଖେଳାଳିମାନେ ଦେବେ ଏହି ପରୀକ୍ଷା

ନନ୍ଦିଘୋଷ ବ୍ୟୁରୋ: ଆସନ୍ତା ୯ ତାରିଖରୁ ଖେଳାଯିବାକୁ ଯାଉଛି ଏସିଆ କପ୍ । ଭାରତ ନିଜର ଅଭିଯାନ ୧୦ରୁ ଆରମ୍ଭ କରିବ । ଭାରତ ପ୍ରଥମ ମ୍ୟାଚରେ ୟୁଏଇ ସହ ଖେଳିବାକୁ ଯାଉଛି । ତେବେ ଟିମ ଇଣ୍ଡିଆ ୟୁଏଇ ଯିବା ପୂର୍ବରୁ ଖେଳାଳିମାନେ ଏକ ବଡ଼ ପରୀକ୍ଷା ଦେବେ । ଖେଳାଳିଙ୍କ ଫିଟନେସ୍ ଟେଷ୍ଟ ନେଇପାରେ ବିସିସିଆଇ । ବିସିସିଆଇ ଖେଳାଳିଙ୍କ ଲାଗି ବାଙ୍କ୍ରୋ ଟେଷ୍ଟ ଲାଗୁ କରିଛି । ଟିମ ଇଣ୍ଡିଆର ପିଟନେସ ଏବଂ କଣ୍ଡିସନିଂ କୋଚ ଆଡ୍ରିଆନ ଲେ ରକ୍ସ ଏଭଳି ଏକ କରିବା ଲାଗି ସୁପାରିଶ ଦେଇଛନ୍ତି । ଟିମ ଇଣ୍ଡିଆର ଖେଳାଳିମାନେ ବାଙ୍କ୍ରୋ ଟେଷ୍ଟ ଲାଗି ବାଙ୍ଗାଲୋରରେ ପହଞ୍ଚିଥିବା ନେଇ ଏକ ଖବର ପରିବେଶଣ କରାଯାଇଥିଲା । ମାତ୍ର ଏହା ସତ ନଥିବା ଜଣା ପଡ଼ିଥିଲା ।

ମାତ୍ର ଭାରତୀୟ ଖେଳାଳିମାନେ ଆସନ୍ତା ୪ ତାରିଖରେ ଭାରତରୁ ଯିବେ । ତେବେ ୫ ତାରିଖରେ ଦୁବାଇରେ ଏହି ବାଙ୍କ୍ରୋ ଟେଷ୍ଟ ଦେଇପାରନ୍ତି । ତେବେ ଏହି ଟେଷ୍ଟରେ ଜଣେ ଖେଳାଳି ୨୦ ମିଟର ସଟଲ ଦୌଡ଼ିବେ । ଏହା ପରେ ୪୦ ଏବଂ ୬୦ ମିଟର ଦୌଡ଼ିବେ । ସବୁକୁ ମିଶାଇ ଜଣେ ଖେଳାଳି ୧୨୦୦ ମିଟର ପର୍ଯ୍ୟନ୍ତ ଦୌଡ଼ି ପାରନ୍ତି ବୋଲି କୁହାଯାଉଛି । ଏସିଆ କପ ଲାଗି ମନୋନୀତ ହୋଇଥିବା ସମସ୍ତ ଭାରତୀୟ ଖେଳାଳିମାନେ ଏହି ଟେଷ୍ଟ ଦେବେ ବୋଲି ଆଶା ରଖାଯାଇଛି । ମାତ୍ର ଏନେଇ କୌଣସି ସ୍ପଷ୍ଠ ସୂଚନା ଦିଆଯାଇନାହିଁ ।