ବରୁଣେଇ ପାହାଡ଼ ତଳେ ଥିବା ପ୍ଲାଷ୍ଟିକ କାରଖାନା ଗୋଦାମରେ ଭୟାବହ ଅଗ୍ନିକାଣ୍ଡ

ଖୋର୍ଦ୍ଧା: ଖୋର୍ଦ୍ଧା ବରୁଣେଇ ପାହାଡ଼ ତଳେ ଥିବା ପ୍ଲାଷ୍ଟିକ କାରଖାନା ଗୋଦାମରେ ଭୟାବହ ଅଗ୍ନିକାଣ୍ଡ । ନିଆଁ ଲିଭା କାର୍ଯ୍ୟରେ ଲାଗିଛି ୧୦ଟି ଅଗ୍ନିଶମ ଗାଡ଼ି । ହେଲେ ନିଆଁର ତୀବ୍ରତା ଅଧିକ ଯୋଗୁ ନିଆଁ ଲିଭାଇବା ଅସମ୍ଭବ ହୋଇ ପଡ଼ିଛି । ଘଟଣାସ୍ଥଳରେ ପୋଲିସ କତୃପକ୍ଷ ମଧ୍ୟ ପହଞ୍ଚି ପରିସ୍ଥିତି ଉପରେ ନଜର ରଖିଛନ୍ତି । ଘର ଭିତରୁ ୪ଟି ଜାଳେଣି ଗ୍ୟାସ ଟାଙ୍କି ସୁରକ୍ଷିତ ସ୍ଥାନକୁ ଅଣାଯାଇଛି । ନିଆଁ ଲାଗିବାର କାରଣ ଜଣାପଡ଼ିନଥିବା ବେଳେ ଅଗ୍ନିଶମ ବିଭାଗର ୧୦୦ରୁ ଅଧିକ କର୍ମଚାରୀ ନିଆଁ ଲିଭାଇବା କାର୍ଯ୍ୟରେ ନିୟୋଜିତ ହୋଇଛନ୍ତି ।