ବିହାର ବେତିୟାରେ ଅଭାବନୀୟ ଘଟଣା, ଗତିଶୀଳ ଟ୍ରେନ ହୋଇଗଲା ଦୁଇ ଖଣ୍ଡ

ପାଟନା: ବିହାର ବେତିୟାରେ ଅଭାବନୀୟ ଘଟଣା । ଗତିଶୀଳ ଟ୍ରେନ ହୋଇଗଲା ଦୁଇ ଖଣ୍ଡ । ତେବେ ଘଟଣାରେ କେହି ମୃତାହତ ହୋଇ ନାହାନ୍ତି । ବିହାର ମାଜୁଲିଆ ଷ୍ଟେସନ ନିକଟରେ ଦୁଇ ଖଣ୍ଡ ହୋଇଯାଇଛି, ରାକ୍ସାଉଲ-ଦିଲ୍ଲୀ ସତ୍ୟାଗ୍ରହ ଏକ୍ସପ୍ରେସ । ଟ୍ରେନଟି ରାକ୍ସାଉଲରୁ ଆନନ୍ଦ ବିହାର ଟର୍ମିନାଲ ଅଭିମୁଖେ ଯାତ୍ରା କରୁଥିବା ବେଳେ, ମାଜୁଲିଆ ଷ୍ଟେସନ ନିକଟରେ କେତେକ ବଗି ଅଲଗା ହୋଇଯାଇଥିଲା ।

ଟ୍ରେନର ଗୋଟିଏ ଭାଗ ଷ୍ଟେସନ ନିକଟରେ ରହିଯାଇଥିବା ବେଳେ, ଇଞ୍ଜିନ ସହ ଅନ୍ୟ ଭାଗଟି ପ୍ରାୟ ୧୦୦ ମିଟର ଦୂରକୁ ଚାଲି ଯାଇଥିଲା । ଏହାକୁ ନେଇ ସେଠାରେ ଆତଙ୍କ ପ୍ରକାଶ ପାଇଥିଲା । ତେବେ ଧିମାଗତି ଯୋଗୁ ବଡ଼ ଧରଣର ଦୁର୍ଘଟଣାରୁ ଟ୍ରେନଟି ବର୍ତ୍ତି ଯାଇଥିଲା । ଘଟଣାର ତଦନ୍ତ କରୁଛନ୍ତି ରେଳବାଇ ଅଧିକାରୀ ।