ବଲାଙ୍ଗୀର ଧୂମାମରା ଜମି କେଳେଙ୍କାରୀ ମାମଲା, ରେକର୍ଡ କିପରକୁ ରାତି ଅଧିଆ ଉଠାଇ ନେଲା ପୋଲିସ

ବଲାଙ୍ଗୀର: ବଲାଙ୍ଗୀର ଧୂମାମରା ଜମି କେଳେଙ୍କାରୀ ଘଟଣା । ତହସିଲ କାର୍ଯ୍ୟାଳୟ ରେକର୍ଡ କିପର ମକରଧ୍ୱଜ କାଳସାଏକୁ ରାତିରେ ଟେକିନେଲା ସଦର ଥାନା ପୋଲିସ । ଥାନାରେ ଜମି ଠକେଇ ନେଇ ପଚାରଉଚୁରା କରୁଛି ପୋଲିସ । ଧୁମାମରା ଗାଁର ମୃତ ହର୍ଷ ଷାଣ୍ଢଙ୍କ ଜମି ଚଞ୍ଚକତା କରି ଜମି ମାଫିଆ ମାଧବ ପୃଷ୍ଟି ଉତ୍ତମ ନାଗକୁ ଢାଲ କରି ମୂଲ୍ୟବାନ୍ ଦେଢ଼ ଏକର ଜମି ସ୍ତ୍ରୀ ଲବଣି ପୃଷ୍ଟି ନାଁରେ କରିଦେଇଥିଲେ । ଏନେଇ ମୃତ ଜମି ମାଲିକ ହର୍ଷ ଷାଣ୍ଢଙ୍କ ପୁଅ ଥାନାରେ ଅଭିଯୋଗ କରିବା ପରେ ସଦର ଥାନା ପୋଲିସ ମୋଟ ୯ ଜଣଙ୍କ ନାମରେ ମାମଲା ରୁଜୁ କରିଥିବା ବେଳେ ତିନି ଜଣ ଗିରଫ ହୋଇ ଜେଲ ଯାଇଛନ୍ତି । ଏହି ଜମି କେଳେଙ୍କାରୀ ଘଟଣାରେ ତହସିଲଦାର, ପୂର୍ବତନ ସବ୍ ରେଜିଷ୍ଟାର ପଦ୍ମନାଭ ପୁରୋହିତଙ୍କ ସମେତ ବହୁ ଅଧିକାରୀ, କର୍ମଚାରୀ ପୋଲିସ ସ୍କାନରରେ ଅଛନ୍ତି ।