ଭୁବନେଶ୍ୱର: ଯୁକ୍ତ ଦୁଇ ପରୀକ୍ଷା ପରିଚାଳନା ପାଇଁ ଗଠନ ହେଲା ସ୍କ୍ୱାର୍ଡ । କେନ୍ଦ୍ରୀୟ ଜୋନ୍ ସ୍କ୍ୱାର୍ଡରେ ସର୍ବାଧିକ ୫୮ ଜଣ ସଦସ୍ୟ ରହିଛନ୍ତି । ସେହିପରି ସମ୍ବଲପୁର ଜୋନାଲ୍ ସ୍କ୍ୱାର୍ଡରେ ୩୫ ଜଣ ରହିଥିବାବେଳେ ବାରିପଦା ଓ ବ୍ରହ୍ମପୁର ଜୋନାଲ୍ ସ୍କ୍ୱାର୍ଡରେ ୩୦ ଜଣ ଲେଖାଏଁ ସଦସ୍ୟ ରହିଛନ୍ତି । ଯୁକ୍ତ ଦୁଇ କଲେଜର ରିଡର୍, ଆସିଷ୍ଟାଣ୍ଟ ପ୍ରଫେସର, ଅଧ୍ୟାପକମାନଙ୍କୁ ବିଭିନ୍ନ ସ୍କ୍ୱାର୍ଡରେ ସଦସ୍ୟ ଭାବେ ସାମିଲ କରାଯାଇଛି ।
ଯେଉଁମାନେ ଏହି ସ୍କ୍ୱାର୍ଡରେ ରହିଛନ୍ତି ସେମାନଙ୍କୁ ସମ୍ପୃକ୍ତ କଲେଜ କର୍ତ୍ତୃପକ୍ଷ ଆସନ୍ତା ୨୬ ତାରିଖ ସୁଦ୍ଧା ରିଲିଭ କରିବାକୁ ନିର୍ଦ୍ଦେଶ ଦିଆଯାଇଛି। ଏଥିସହ କେନ୍ଦ୍ରୀୟ ଜୋନ୍ର ସ୍କ୍ୱାର୍ଡରେ ସିଧାସଳଖ ପରିଷଦର ଉପ ପରୀକ୍ଷା ନିୟନ୍ତ୍ରକଙ୍କୁ ଏବଂ ବାକି ତିନୋଟି ଜୋନ୍ର ସଦସ୍ୟମାନେ ନିଜ ନିଜ ଜୋନ୍ରେ ୨୭ ତାରିଖ ସୁଦ୍ଧା ରିପୋଟିଂ କରିବାକୁ କୁହାଯାଇଛି । ସେହିପରି ୨୨ଟି ପରୀକ୍ଷା କେନ୍ଦ୍ରର ସୁପରିଟେଣ୍ଡେଣ୍ଟଙ୍କୁ ପରିବର୍ତ୍ତନ କରାଯାଇଛି ।
