ସରିଲା 5-ଟି ସ୍କୁଲ ରୂପାନ୍ତରଣର ତୃତୀୟ ପର୍ଯ୍ୟାୟ, ଡିସେମ୍ବର ସୁଦ୍ଧା ବାକି ସ୍କୁଲର ରୂପାନ୍ତରିତ କରାଯାଇ ଲୋକାର୍ପଣ କରାଯିବ
1 min read
ନନ୍ଦିଘୋଷ ବ୍ୟୁରୋ: ସରିଲା ଫାଇଭ-ଟି ଉପକ୍ରମରେ ତୃତୀୟ ପର୍ଯ୍ୟାୟରେ ରୂପାନ୍ତରିତ ସ୍କୁଲ ଲୋକାର୍ପଣ । ଏ ମଧ୍ୟରେ ବିଭିନ୍ନ ପର୍ଯ୍ୟାୟରେ ମୋଟ୍ ୬ ହଜାର ୧୩୨ ଟି ହାଇସ୍କୁଲ ଲୋକାର୍ପିତ ହୋଇଛି । ତୃତୀୟ ପର୍ଯ୍ୟାୟରେ ୨ ହଜାର ୧୫୧ଟି ହାଇସ୍କୁଲ ଲୋକାର୍ପଣ ହୋଇଥିବା ବେଳେ ପୂର୍ବରୁ ୨ଟି ପର୍ଯ୍ୟାୟରେ ୩ ହଜାର ୯୮୧ଟି ସ୍କୁଲ ଲୋକାର୍ପିତ ହୋଇଥିଲା । ଆଜି ତୃତୀୟ ପର୍ଯ୍ୟାର ଷଷ୍ଠ ଦିନରେ ୪ଟି ଜିଲ୍ଲାର ୩୩୫ଟି ରୂପାନ୍ତରିତ ସ୍କୁଲ ଲୋକାର୍ପିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କଟକ ଜିଲ୍ଲାର ୯୮ଟି ସ୍କୁଲ, କଳାହାଣ୍ଡି ଜିଲ୍ଲାର ୧୧୫ଟି ସ୍କୁଲ, ମାଲକାନାଗିରିର ୪୯ଟି ସ୍କୁଲ, ଯାଜପୁର ୭୩ଟି ସ୍କୁଲର ଲୋକାର୍ପଣ କରାଯାଇଛି । ବାକି ହାଇସ୍କୁଲ ଡିସେମ୍ବର ସୁଦ୍ଧା ରୂପାନ୍ତରିତ କରାଯାଇ ଲୋକାର୍ପଣ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ରୂପାନ୍ତର ପରେ ୩ ଶ୍ରେଷ୍ଠ ସ୍କୁଲକୁ ପୁରସ୍କାର ମିଳିବ ବୋଲି କହିଛନ୍ତି ଫାଇଭ-ଟି ସଚିବ ଭି.କେ ପାଣ୍ଡିଆନ । ପ୍ରଥମ ପୁରସ୍କାର ବାବଦରେ ସ୍କୁଲକୁ ମିଳିବ ୩ କୋଟି ଟଙ୍କା। ଦ୍ବିତୀୟ ପୁରସ୍କାର ୨କୋଟି ଓ ତୃତୀୟ ପୁରସ୍କାର ବାବଦରେ ୧କୋଟି ଟଙ୍କା ପ୍ରଦାନ କରାଯିବ ବୋଲି ଫାଇଭ-ଟି ସଚିବ ଭି.କେ ପାଣ୍ଡିଆନ ସୂଚନା ଦେଇଛନ୍ତି ।
