No Smoking Day 2021: ଧୂମପାନରୁ ମୁକ୍ତି ଚାହୁଁଛନ୍ତି କି? ଆପଣାନ୍ତୁ ୫ଟି ଟିପ୍ସ
1 min read
ଭୂବନେଶ୍ୱର: ପ୍ରତ୍ୟେକବର୍ଷ ମାର୍ଚ୍ଚ ଦ୍ୱିତୀୟ ବୁଧବାର ଦିନ NO SMOKING DAY ଭାବେ ପାଳନ କରାଯାଏ। ଯାହାଦ୍ୱାରା ସମଗ୍ର ବିଶ୍ୱର ଲୋକ ଧୂମପାନ ନକରିବା ପାଇଁ ସଚେତନ ହୋଇପାରିବେ। ଚଳିତ ବର୍ଷ, ଏହି ଦିନ ମାର୍ଚ୍ଚରେ ୧୦ରେ ପାଳନ କରାଯାଇଛି। ସିଗାରେଟ୍ କିମ୍ବା ଅନ୍ୟ ତମାଖୁ ସେବନର କ୍ଷତିକାରକ ପ୍ରଭାବ ବିଷୟରେ ସଚେତନତା ସୃଷ୍ଟି କରିବା ହେଉଛି ଏହାର ମୂଳ ଉଦ୍ଦେଶ୍ୟ।
ଧୂମପାନ କିମ୍ବା ତମାଖୁ ଚୋବାଇବା ଶରୀର ପାଇଁ ଅତ୍ୟନ୍ତ କ୍ଷତିକାରକ। ଏହି କାରଣରୁ ଫୁସଫୁସ କର୍କଟ, ପାଟି କର୍କଟ, ଗଳା କର୍କଟ, ବ୍ରୋନକାଇଟିସ୍ ଇତ୍ୟାଦି ରୋଗ ହୁଏ। ତେଣୁ ଏହି NO SMOKING DAY ଅବସରରେ ଆପଣ ବି ଧୂମପାନ ନକରିବା କିମ୍ବା ତମାଖୁ ନ ଖାଇବାର ସପଥ ନିଅନ୍ତୁ। ଏମିତି ଅନେକ ଲୋକ ଅଛନ୍ତି ଯେଉଁମାନେ ପ୍ରକୃତରେ ଏହାକୁ ଛାଡ଼ିବାକୁ ଚାହାଁନ୍ତି, କିନ୍ତୁ ଅଭ୍ୟାସ ଯୋଗୁ ଛାଡ଼ି ପାରୁ ନାହାଁନ୍ତି। ତେବେ ସେମାନଙ୍କୁ ଆଜି ଆମେ କିଛି ଟିପ୍ସ ଦେବୁ, ଯାହା ତାଙ୍କୁ ଧୂମପାନ ଛାଡ଼ିବାରେ ସାହାଯ୍ୟ କରିବ।
୧) ପ୍ରଥମେ ନିଜକୁ ପ୍ରତିଶୃତି ଦିଅନ୍ତୁ: ଧୂମପାନ ଛାଡ଼ିବାକୁ, ପ୍ରଥମେ ଆପଣଙ୍କୁ ନିଜକୁ ପ୍ରତିଶୃତି ଦେବାକୁ ପଡ଼ିବ ଯେ ଆପଣ ଧୂମପାନ ଛାଡ଼ିବେ। ତା’ପରେ ଏକ ତାରିଖ ବାଛନ୍ତୁ, ଯଦି ଏହା ପାଖାପାଖି ଥାଏ ତେବେ ଭଲ, ଯାହାଦ୍ୱାରା ଆପଣ ଆପଣଙ୍କର ମନ ପରିବର୍ତ୍ତନ ହେବ ନାହିଁ।
୨) ଧୂମପାନ କଥା ମନେପକାଉଥିବା ଜିନିଷରୁ ଦୂରେଇ ରୁହନ୍ତୁ: ଘରୁ ସିଗାରେଟ୍ ପ୍ୟାକେଟ୍, ଲାଇଟର୍, ତମାଖୁ ଏବଂ ଧୂମପାନ ସହ ଜଡ଼ିତ ସମସ୍ତ ଜିନିଷ ଫିଙ୍ଗିଦିଅନ୍ତୁ। ଯାହାଫଳରେ ଏହି ଜିନିଷଗୁଡ଼ିକୁ ଦେଖିବା ପରେ ଧୂମପାନ କଥା ମନେ ପଡ଼ିବ ନାହିଁ। ସାଧାରଣତଋ ପ୍ରାୟ ଲୋକଙ୍କୁ ମଦ ସହ କିମ୍ବା ଚାହା ସହ ସିଗାରେଟ୍ ପିଇବାକୁ ଇଚ୍ଛା ହୁଏ । ଏହା ବ୍ୟତୀତ ଅନ୍ୟ କାହାକୁ ଧୂମପାନ କରୁଥିବା ଦେଖିଲେ ବି ଇଚ୍ଛା ହୁଏ । ତେଣୁ ଏହି ସବୁ ଦୁର୍ବଳତାକୁ ଚିହ୍ନନ୍ତୁ ଓ ଏଥିରୁ ଦୂରେଇ ରୁହନ୍ତୁ।
୩) ନିଜକୁ ବ୍ୟସ୍ତ ରଖନ୍ତୁ: ଯଦି ଆପଣଙ୍କୁ ସିଗାରେଟ୍ ଟାଣିବା କିମ୍ବା ତମାଖୁ ଚୋବାଇବାକୁ ମନ ହେଉଛି ତେବେ ଅନ୍ୟ ଜିନିଷରେ ଧ୍ୟାନ ଦିଅନ୍ତୁ । ଯେମିତିକି ଏହା ଉପରୁ ଆପଣଙ୍କ ଧ୍ୟାନ ହଟିଯିବ। ଏଥିପାଇଁ ଆପଣ ଟିଭି ଦେଖିପାରିବେ, ଗୀତ ଶୁଣିପାରିବେ, ବ୍ୟାୟାମ କରିପାରିବେ କିମ୍ବା ଆପଣଙ୍କର ପ୍ରିୟ ଗୀତରେ ଡ୍ୟାନ୍ସ ବି କରିପାରିବେ, ନହେଲେ ଆପଣ କୁଆଡ଼େ ବୁଲିବାକୁ ଯାଇପାରିବେ କିମ୍ବା କୋଣସି ବନ୍ଧୁଙ୍କୁ ଭେଟିପାରିବେ ନଚେଟତ ଫୋନରେ ବି କଥା ହେଇପାରିବେ । ଆପଣ ଏମିତି କିଛି କରନ୍ତୁ ଯାହା ଦ୍ୱାରା ଆପଣଙ୍କର ମନ ଆଉ ହେବନାହିଁ ସିଗାରେଟ୍ ଟାଣଇବାକୁ।
୪) ସିଗାରେଟ୍ ବଦଳରେ ଆଉ କିଛି ବାଛନ୍ତୁ: ଯଦି ଆପଣ ତମାଖୁ କି ସିଗାରେଟ୍ ନ ଖାଇଲେ ପାଟିକୁ ଭଲ ଲାଗୁ ନାହିଁ, କିମ୍ବା ବାରମ୍ବାର ମନ ହେଉଛି ସିଗାରେଟ୍ ଟାଣିବାକୁ, ତେବେ ଏହା ବଦଳରେ ଚୁଇଙ୍ଗମ୍ ଖାଆନ୍ତୁ ।
୫) ଚିନ୍ତାରେ ରୁହନ୍ତୁ ନାହିଁ: ଏକ ଅନୁସନ୍ଧାନରୁ ଜଣାପଡ଼ିଛି ଯେ ଧୂମପାନର ମୂଳକାରଣ ହେଉଛି ଚିନ୍ତା । ତେଣୁ ଯଥା ସମ୍ଭବ ଧୂମପାନରୁ ଦୂରେଇ ରୁହନ୍ତୁ।
