‘ଆଗୁଆ ଆସିପାରେ କରୋନାର ତୃତୀୟ ଲହର’

ଭୁବନେଶ୍ୱର: ଆଗୁଆ ଆସିପାରେ କରୋନାର ତୃତୀୟ ଲହର । ଏଭଳି ସୂଚନା ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ଲୋକ ଅମାନିଆ ହେଉଥିବାରୁ ତୃତୀୟ ପ୍ରବାହ ଆଗୁଆ ଆସିବାର ସମ୍ଭାବନା ରହିଛି । ଢ଼ିଲାପଣ ଯୋଗୁଁ ସଂକ୍ରମଣ ବଢ଼ୁଛି । ଆଜି ଦେଶରେ ମଧ୍ୟ ସଂକ୍ରମଣ ବଢ଼ିଛି ।

ଏଭଳି ସ୍ଥିତିରେ ଲୋକମାନେ କୋଭିଡ୍ ନିୟମ ମାନିବା ଦରକାର ବୋଲି ସେ କହିଛନ୍ତି । ସେପ୍ଟେମ୍ବର, ଅକ୍ଟୋବର ପରେ ତୃତୀୟ ଲହର ଆସିବା ଆଶଙ୍କା ଥିଲା । ହେଲେ ଲୋକେ ଅମାନିଆ ହେଉଥିବାରୁ ଏହା ଶୀଘ୍ର ଆସିପାରେ ବୋଲି ସୂଚନା ଦେଇଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ।

କିଛି ଲୋକ ନିୟମ ମାନୁନାହାଁନ୍ତି । ସେମାନେ ଦରକାର ନଥିଲେ ବାହାରକୁ ଯାଆନ୍ତୁ ନାହିଁ । ନିୟମ ଉଲ୍ଲଂଘନ କଲେ ଆମେ ଦୋକାନବଜାର ସହ ହାଟକୁ ବନ୍ଦ କରିବାକୁ ବାଧ୍ୟ ହେଉଛି । ଯଦି ଏଭଳି ଅବସ୍ଥା ରୁହେ ତ ତୃତୀୟ ପ୍ରବାହ ଆଗୁଆ ଆସିପାରେ ।