ଦୁଇ ପୁଅଙ୍କ ସହ କୁଅକୁ ଡେଇଁ ଆତ୍ମହତ୍ୟା କଲା ମା’,ଦୁଇ ଦିନ ପରେ ଶବ ଉଦ୍ଧାର

କୋରାପୁଟ: କୋରାପୁଟ ଜିଲ୍ଲା କୋଟପାଡ ବ୍ଲକ ମଝିପାରା ଗ୍ରାମରେ ଅଭାବନୀୟ ଘଟଣା । କୂଅ ରୁ ମା ଓ ଦୁଇ ପୁଅର ମୃତ ଦେହ ଉଦ୍ଧାର । ଘଟଣାର କାରଣ ଅସ୍ପଷ୍ଟ ରହିଛି । କୋଟପାଡ଼ ସହରର ୧୩ ନମ୍ବର ୱାର୍ଡରେ ଏକ କୂଅରୁ ତିନୋଟି ଶବ ଉଦ୍ଧାର ହୋଇଛି । ମୃତ ତିନି ଜଣ ମା ଏବଂ ତାଙ୍କର ଦୁଇ ପୁଅ । ମୃତ ଦୁଇ ପୁଅଙ୍କ ବୟସ ହେଉଛି ୩ ବର୍ଷ ଓ ୨ ବର୍ଷ । ପରିବାରରେ ମଧ୍ୟରେ ଲାଗି ରହିଥିବା କଳହ କାରଣରୁ ଏପରି ହୋଇଥିବା ଅନୁମାନ କରାଯାଉଛି । ତେବେ ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ୩ ମୃତ ଦେହ ଉଦ୍ଧାର କରିବା ପରେ ତଦନ୍ତ ଆରମ୍ଭ କରିଛି । ମୃତ ଦେହକୁ ଉଦ୍ଧାର କରି ନିକଟସ୍ତ ଡାକ୍ତରଖାନାକୁ ଶବ ବ୍ୟଛେଦ ପାଇଁ ପଠାଇଛି ।

ସୂଚନା ଅନୁଯାୟୀ, ପରିବାର ମଧ୍ୟରେ କଳହ ଅନେକ ବାର ଲାଗି ରହୁଥିଲା । ହଠାତ ମୃତ ସ୍ତ୍ରୀ ଓ ତାଙ୍କର ୨ ଶିଶୁ ବୁଧବାର ନିଖୋଜ ହୋଇଯାଇଥିଲେ । ନିଖୋଜ ପରେ ସମ୍ପର୍କୀୟ ମାନେ ଖୋଜାଖୋଜି କରିଥିଲେ । ତେବେ ଆଜି କୁଅରୁ ୩ ଜଣଙ୍କ ମୃତଦେହ ମିଳିଛି । କୋଟପାଡ଼ ପୋଲିସ ପହଞ୍ଚି ତଦନ୍ତ ଜାରି ରଖିଛି । କୋଟପାଡ଼ ପୋଲିସ ସ୍ୱାମୀ ଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଥିବା ବେଳେ ପ୍ରାଥମିକ ତଦନ୍ତ ରୁ ଜଣା ପଡ଼ିଛି ।