ଜୟପୁରରେ ଚାଞ୍ଚଲ୍ୟ, ବନ୍ଦ ଘରୁ ୩ ମୃତଦେହ ଉଦ୍ଧାର

ଜୟପୁର: ଜୟପୁରରେ ଚାଞ୍ଚଲ୍ୟ । ବନ୍ଦ ଘରୁ ୩ ଜଣଙ୍କର ମୃତଦେହ ଉଦ୍ଧାର । ଘରେ ପଡ଼ିଛି ସ୍ବାମୀସ୍ତ୍ରୀଙ୍କ ସହିତ ୨ବର୍ଷର ଶିଶୁ କନ୍ୟାର ମୃତଦେହ । କୋରାପୁଟ ଜିଲ୍ଲା ଲଷ୍ମୀପୁର ବ୍ଲକ ତୋୟାପୁଟ ଗାଁରେ ଘଟିଛି ଅଭାବନୀୟ ଘଟଣା । ମୃତକ ହେଲେ ସ୍ବାମୀ ଲିଙ୍ଗରାଜ ବିଶୋଇ, ସ୍ତ୍ରୀ ଜ୍ୟୋସ୍ନାରାଣୀ ସାହୁ ଓ ୨ବର୍ଷର ଝିଅ ଇଶା ରାଣୀ । ସ୍ତ୍ରୀ ଓ ଝିଅର ମୃତଦେହ ଘର ଚଟାଣରେ ପଡ଼ିଥିବାବେଳେ ଝୁଲନ୍ତା ଅବସ୍ଥାରେ ସ୍ବାମୀଙ୍କ ମୃତଦେହ ଉଦ୍ଧାର ହୋଇଛି ।

ସ୍ତ୍ରୀ ଓ ଝିଅକୁ ହତ୍ୟା କରିବା ପରେ ସ୍ବାମୀ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ପୋଲିସର ପହଞ୍ଚି ତଦନ୍ତ ଆରମ୍ଭ କରିଛି । ତେବେ କେଉଁଥିପାଇଁ ଏପରି ବୀଭତ୍ସ ଘଟଣା ଘଟିଛି ତାହା ଅସ୍ପଷ୍ଟ ରହିଛି । ପାରିବାରିକ କଳହ, ଘରର ଆର୍ଥିକ ଅବସ୍ଥା ଆଦି ଦିଗକୁ ନେଇ ତଦନ୍ତ ଆରମ୍ଭ କରିଛି ପୋଲିସ ।