ଗାରମେଣ୍ଟ ଦେବା ବାହାନାରେ ମହିଳାଙ୍କ ଠାରୁ ଲକ୍ଷାଧିକ ଟଙ୍କା ଠକେଇ ଅଭିଯୋଗ। ଗୁଜୁରାଟର ସୁରତରୁ ୩ ଜଣଙ୍କୁ ଗିରଫ କଲା ସାଇବର ଥାନା ପୋଲିସ। ଫେକ ଆପରେ ୫୦ ପ୍ରତିଶତ ରିହାତିରେ ପୋଷାକ ଯୋଗାଇ ଦେବାକୁ ପ୍ରତିଶ୍ରୁତି ଦିଆଯାଇଥିଲା। ବିଭିନ୍ନ ଉପାୟରେ ୧୪ ଲକ୍ଷ ୫୫ ହଜାର ଟଙ୍କା ନେଇଥିଲା ଠକ। ଟଙ୍କା ନେବା ପରେ ମଧ୍ୟ ପୋଷାକ ମିଳି ନଥିଲା। ଏନେଇ ମହିଳା ବ୍ୟବସାୟୀ ଏପ୍ରିଲ ମାସରେ ସାଇବର ଥାନାରେ ଅଭିଯୋଗ କରିଥଲେ। ଟଙ୍କା ଯାଇଥିବା ଆକାଉଣ୍ଟକୁ ଟ୍ରାକ କରି ସାଇବର ପୋଲିସ ସୁରତରେ ପହଞ୍ଚିଥିଲା । ସୁରତର କାମରେଶ ଥାନା ପୋଲିସ ସହାୟତାରେ ୩ ଜଣଙ୍କୁ ଗିରଫ କରିଛି ପୋଲିସ । ଅଭିଯୁକ୍ତଙ୍କ ଶିକ୍ଷାଗତ ଯୋଗ୍ୟତା ପଞ୍ଚମ ଫେଲ । ତଦନ୍ତ ସମୟରେ ୮ ଟି ରାଜ୍ୟରେ ଅଭିଯୁକ୍ତମାନେ ଠକେଇ କରିଥିବା ସୂଚନା ପାଇଛି ସାଇବର ପୋଲିସ ।
