ବାହାନଗାରେ କାଳବୈଶାଖୀର ତାଣ୍ଡବ, ଭାଙ୍ଗିଲା ନାମ ସଂକୀର୍ତ୍ତନ ଟେଣ୍ଟ

ବାହାନଗା: ବାହାନଗାରେ କାଳବୈଶାଖୀର ତାଣ୍ଡବ। ଭାଙ୍ଗିଲା ନାମ ସଂକୀର୍ତ୍ତନ ଏବଂ ରୋଷେଇ ଟେଣ୍ଟ । କରମଣ୍ଡଳ ଦୁର୍ଘଟଣାରେ ମୃତ ଯାତ୍ରୀଙ୍କ ଆତ୍ମାର ସଦଗତି ପାଇଁ ଏଠାରେ ଅଷ୍ଟପ୍ରହର ନାମ ସଂକୀର୍ତ୍ତନ ସହ ବିଶ୍ବଶାନ୍ତି ମହାଯଜ୍ଞ ଚାଲିଥିଲା । ତେବେ ଏହି ସମୟରେ କାଳବୈଶାଖୀ ପ୍ରଭାବରେ ପ୍ରବଳ ପବନ ସାଙ୍ଗକୁ ବର୍ଷା ଓ ବଜ୍ରପାତ ହୋଇଥିଲା । ଫଳରେ ନାମ ସଂକୀର୍ତ୍ତନ ପାଇଁ ବନ୍ଧା ଯାଇଥିବା ଟେଣ୍ଟ ଉଡ଼ିବା ସହ ରୋଷେଇ ଟେଣ୍ଟ ମଧ୍ୟ ଭାଙ୍ଗି ପଡିଥିଲା ।