ନୂଆଦିଲ୍ଲୀ: ସଂସଦରେ ମୌସୁମୀ ଅଧିବେଶନ ଜାରି ରହିଥିବା ବେଳେ ବିଭିନ୍ନ ପ୍ରସଙ୍ଗକୁ ନେଇ ସରକାରଙ୍କୁ ଘେରୁଛନ୍ତି ବିରୋଧି । ଯେଉଁଥିପାଇଁ ୩ ଦିନ ହେବ ଗୃହ କାର୍ଯ୍ୟ ଠିକ୍ ଭାବେ ପରିଚାଳିତ ହୋଇପାରୁନାହିଁ । କୃଷି ଆନ୍ଦୋଳନ ବ୍ୟତୀତ କରୋନା, ପେଗାସସ୍, ଦରଦାମ୍ ବୃଦ୍ଧି ଭଳି ପ୍ରସଙ୍ଗ ବିରୋଧି ଉଠାଉଥିବା ବେଳେ ଏପଟେ କୃଷକ ସଙ୍ଗଠନ ପକ୍ଷରୁ ଜନ୍ତରମନ୍ତରରେ ବୈଠକ କରାଯାଇଛି ।

ଖାସ୍ କରି ପେଗାସସ୍ ହ୍ୟାକିଂ ମାମଲାକୁ ନେଇ ଗୃହରେ ହଟ୍ଟଚମଟ ଦେଖାଦେଇଛି । ଏପରିକି ପେଗାସସ୍ ମାମଲା ଏକ ମିଛ ଏବଂ ଏହାଦ୍ୱାରା ଦେଶର ଛବିକୁ ବିଗାଡିବା ଲାଗି ଚେଷ୍ଟା କରାଯାଉଥିବା କେନ୍ଦ୍ର ମନ୍ତ୍ରୀ ମିନାକ୍ଷୀ ଲେଖି କହିଛନ୍ତି। ଏହା ସତ୍ୱେ ବିରୋଧି ଗୃହର କାର୍ଯ୍ୟରେ ବାଧା ସୃଷ୍ଟି କରୁଛନ୍ତି। କଂଗ୍ରେସ ଓ ଟିଏମସିର କାର୍ଯ୍ୟକଳାପ ଠିକ୍ ରହୁନାହିଁ ବୋଲି ସେ ପ୍ରକାଶ କରିଛନ୍ତି ।

ଅପରପକ୍ଷେ ରାଜ୍ୟସଭାରେ ସଞ୍ଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ ପେଗାସସ୍ ମାମଲାରେ ବୟାନ୍ ଦେବା ପୂର୍ବରୁ ତାଙ୍କ ହାତରୁ କାଗଜ ଛଡାଇ ଉପସଭାପତିଙ୍କ ଆଡକୁ ଫୋପାଡିଛନ୍ତି ଟିଏମସି ସାଂସଦ ଶାନ୍ତନୁ ସେନ୍ । ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି କେନ୍ଦ୍ର ମନ୍ତ୍ରୀ ହରଦୀପ ସିଂହ ପୁରୀ। ଏହାବ୍ୟତୀତ ଗୃହକୁ ଆସନ୍ତାକାଲି ଦିନ ୧୧ଟା ଯାଏଁ ସ୍ଥଗିତ ମଧ୍ୟ କରାଯାଇଛି ।

#WATCH | TMC MP Sukhendu Sekhar Roy evades a question on the MPs of the party snatching away a paper from the hands of IT Minister Ashwini Vaishnaw and tearing it, while he was speaking on 'Pegsus Project' media report in the House. pic.twitter.com/YqZhTgbNJW

— ANI (@ANI) July 22, 2021

ଟିଏମସି ସାଂସଦ ମାନେ ଅଶ୍ୱିନୀ ବୈଷ୍ଣବଙ୍କ ହାତରୁ ବୟାନର କପି ନେଇ ଫାଡି ଦେଇଥିବା ସୂଚନା ମିଳିଛି।

ସେହିପରି ଲୋକସଭାରେ ବିରୋଧିଙ୍କ ହଙ୍ଗାମା ଯୋଗୁଁ ଠିକ୍ ଭାବେ ଗୃହ ଚାଲି ପାରିନଥିଲା । ଫଳରେ ଲୋକସଭାକୁ ଅପରାହ୍ନ ୪ଟା ଯାଏଁ ସ୍ଥଗିତ କରାଯାଇଥିଲା।