ଆଜି ବିଶ୍ୱ ତମାଖୁ ବର୍ଜନ ଦିବସ : ବାଲୁକାକଳାରେ ସଚେତନତା ବାର୍ତ୍ତା

ନନ୍ଦିଘୋଷ ବ୍ୟୁରୋ: ବିଶ୍ୱ ତମାଖୁ ବର୍ଜନ ଦିବସ । ଏହି ଅବସରରେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ବାଲୁକାକଳା ମାଧ୍ୟମରେ ସଚେତନତା ବାର୍ତ୍ତା ଦେଇଛନ୍ତି। ପୁରୀ ନୀଳାଦ୍ରି ବେଳାଭୁମି ଠାରେ ବ୍ରେକ ଦି ହ୍ୟାବିଟ ବିଫୋର୍ ଇଟ୍ ବ୍ରେକ ଫ୍ୟାମିଲିର ବାର୍ତ୍ତା ଦେଇଛନ୍ତି। ବାଲୁକା କଳାରେ ଭାବ ପ୍ରବଣତାର ଦୃଶ୍ୟ ଦର୍ଶାଯାଇଛି। ମୃତ୍ୟୁ ବରଣ କରିଥିବା ଯୁବକର ଚିତ୍ର ଯାହାର ହାଡ କଙ୍କାଳକୁ ବାଲୁକା କଳାରେ ଦର୍ଶାଯାଇଛି । ଅନ୍ୟପଟରେ ନିଜ ସ୍ବାମୀକୁ ହରାଇ ଅନ୍ଧାର ଜୀବନ ଭିତରେ ଲୁହ ଗଡ଼ାଉ ଥିବା ସ୍ତ୍ରୀ ଓ ତାର ପିଲାର ଦୃଶ୍ୟ ଦେଖାଯାଇଛି। ବିଶ୍ଵରେ ପ୍ରାୟ ୮ ମିଲିୟନ ଓ ଦେଶରେ ପ୍ରାୟ ୧ ମିଲିୟନ ଯୁବକ ତମାଖୁ ଯୋଗୁଁ ମୃତ୍ୟୁବରଣ କରୁଛନ୍ତି। ତେଣୁ ତମାଖୁ ବର୍ଜନ ବାର୍ତ୍ତା ଦେଇ ସାରା ବିଶ୍ବକୁ ତମାଖୁ ମୁକ୍ତ କରିବାକୁ କହିଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକl