ଆଜି ପଦ୍ମ ବେଶରେ ସଜେଇ ହେବେ ଶ୍ରୀଜିଉ

ପୁରୀ: ଆଜି ଶ୍ରୀଜିଉଙ୍କ ଅନନ୍ୟ ପଦ୍ମବେଶ । ପ୍ରତିବର୍ଷ ତ୍ରିବେଣୀ ଅମାବାସ୍ୟା ପରେ ଓ ବସନ୍ତ ପଞ୍ଚମୀ ପୂର୍ବରୁ ଏହି ବେଶ ଅନୁଷ୍ଠିତ ହୋଇଥାଏ । ଆଜି ରାତିରେ ପଦ୍ମବେଶରେ ସଜେଇ ହେବେ ଶ୍ରୀଜିଉ । ଆସନ୍ତାକାଲି ଗୁରୁବାରରେ ଏହି ବେଶରେ ତିନି ଠାକୁରଙ୍କୁ ଦର୍ଶନ କରିବାର ସୌଭାଗ୍ୟ ପାଇବେ ଶ୍ରଦ୍ଧାଳୁ । ଭକ୍ତ ମନୋହର ଦାଶଙ୍କ ଭକ୍ତିଭାବକୁ ସମ୍ମାନ ଜଣାଇ ଏହି ବେଶ ଅନୁଷ୍ଠିତ ହେଉଛି । ପଦ୍ମବେଶରେ ଶ୍ରୀଜିଉଙ୍କ ନିକଟରେ ଖିରି ଅମ୍ବାଲୁ ଭୋଗ ଲଗାଯାଇଥାଏ । ବଡଛତା ମଠ ପକ୍ଷରୁ ପ୍ରଦାନ କରାଯାଇଥିବା ବେଶକୁ ରାତିରେ ବଡ଼ସିଂହାର ବେଶରେ ଭୂଷିତ କରାଯାଏ । କୋଭିଡ କଟକଣା ହେତୁ ଗତବର୍ଷ ଏହି ଅନନ୍ୟ ବେଶ ଦର୍ଶନ କରିବାରୁ ବଞ୍ଚିତ ଥିଲେ ଭକ୍ତ । ତେବେ ଚଳିତବର୍ଷ କଟକଣାରେ ମହାବାହୁଙ୍କ ଏହି ଅନନ୍ୟ ବେଶକୁ ଦର୍ଶନ କରିବାର ସୁଯୋଗ ପାଇବେ ଭକ୍ତ ।