ଏ ବର୍ଷ ଦେଖାଯିବ ୩ଟି ସୁପରମୁନ୍ ଓ ୩ଟି ମାଇକ୍ରୋମୁନ୍ । ଆସନ୍ତକାଲି ଦେଖାଯିବ ପ୍ରଥମ ସୁପରମୁନ। ସୁପରମୁନ ପୂର୍ଣ୍ଣିମାରେ ହୋଇଥାଏ। କାରଣ ଏହି ଦିନ ପୃଥିବୀର ପୁରାପୁରି ପାଖକୁ ଆସିଥାଏ ଚନ୍ଦ୍ର। ତେଣୁ ଏହା ଅଧିକ ଉଜ୍ଜ୍ଵଳ ଓ ଆକାରରରେ ବଡ଼ ଦେଖାଯାଏ। ସ୍ଵାଭାବିକ ଅପେକ୍ଷା ଚନ୍ଦ୍ର ୧୪ ପ୍ରତିଶତ ବଡ଼ ଓ ୩୦ ପ୍ରତିଶତ ଉଜ୍ଜଳ ଦେଖାଯିବ। ଅଣ୍ଡାକୃତି କକ୍ଷପଥରେ ପୃଥିବୀକୁ ଚନ୍ଦ୍ର ପରିକ୍ରମା କରୁଥିବାରୁ ଏପରି ହୋଇଥାଏ। ଆଉ ଦୁଇଟି ସୁପରମୁନ ଦେଖାଯିବ ନଭେମ୍ଵର ୨୪ ଓ ଡିସେମ୍ଵର ୨୩ ତାରିଖରେ ଦେଖାଯିବ। ସେହିପରି ଏବର୍ଷ ୩ଟି ମାଇକ୍ରୋମୁନ ଦେଖାଯିବ। ଏହି ଦିନ ପୃଥିବୀଠାରୁ ସବୁଠୁ ଅଧିକ ଦୂରରେ ରହିବ ଚନ୍ଦ୍ର। ତେଣୁ ଛୋଟ ଓ ଅଳ୍ପ ଉଜ୍ଜ୍ଵଳ ଦେଖାଯିବ ଚନ୍ଦ୍ର। ମେ ୧, ମେ ୩୧ ଓ ଜୁନ୍ ୨୯ ତାରିଖରେ ଦେଖାଯିବ ମାଇକ୍ରୋମୁନ। ଉଭୟ ମାଇକ୍ରୋମୁନ୍ ଓ ସୁପରମୁନ୍ ଖାଲି ଆଖିରେ ଦେଖି ହେବ। ଏହା ସାଧାରଣ ମହାଜାଗତିକ ଦୃଶ୍ୟ ଓ ଏହାର କୌଣସି କୁପ୍ରଭାବ ଆମ ଉପରେ ପଡ଼ିବନି ବୋଲି କହିଛନ୍ତି ବିଶିଷ୍ଟ ମହାକାଶ ବିଜ୍ଞାନୀ ଡକ୍ଟର ଶୁଭେନ୍ଦୁ ପଟ୍ଟନାୟକ ।
