ଟ୍ରାକ୍ଟର ଚଢାଇ ଜଣଙ୍କୁ ହତ୍ଯା ଅଭିଯୋଗ

କଟକ: ଗୋଷ୍ଠୀ ସଂଘର୍ଷରୁ ନିର୍ମମ ହତ୍ଯା । ଟ୍ରାକ୍ଟର ଚଢାଇ ଜଣଙ୍କୁ ହତ୍ଯା ଅଭିଯୋଗ ।  କଟକ ଜିଲ୍ଲା ଖୁଣ୍ଟୁଣୀ ଥାନା ଅନ୍ତର୍ଗତ ରାଧାକୃଷ୍ଣପୁର ଗାଁରେ ଗୋଷ୍ଠୀ ସଂଘର୍ଷରୁ ଅଭାବନୀୟ ଘଟଣା ଘଟିଛି । ମୃତକ ହେଲେ ସୁଶାନ୍ତ ରଣା । ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ପରିବାର ମଧ୍ଯରେ ପ୍ରଥମେ ଗୋଷ୍ଠୀ ସଂଘର୍ଷ ଘଟିଥିଲା । ଏକ ନିର୍ବନ୍ଧ ଭୋଜିଖାଇ ଆସିବାବେଳେ ଉଭୟ ପକ୍ଷଙ୍କ ମଧ୍ଯରେ ବଚସା ଲାଗିଥିଲା । ଏଥିରେ ଉତ୍ଯକ୍ତ ହୋଇ ସ୍ବାଇଁ ପରିବାରର ଗୋଷ୍ଠୀ ସୁଶାନ୍ତଙ୍କୁ ଟ୍ରାକ୍ଟର ଚଢାଇ ଦେଇଥିଲେ । ସୁଶାନ୍ତଙ୍କୁ ଗୁରୁତର ଅବସ୍ଥାରେ ଢେଙ୍କାନାଳ ଜିଲ୍ଲା ମୁଖ୍ଯ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ଯୁ ହୋଇଛି । ପରେ ମୃତକଙ୍କ ସମ୍ପର୍କୀୟ ଅପର ଗୋଷ୍ଠୀର ଟ୍ରାକ୍ଟର, କାର ଓ ୨ଟି ମୋଟର ସାଇକେଲ ପୋଡ଼ିଦେଇଛନ୍ତି । ୧୫ ଜଣଙ୍କ ନାଁରେ ଥାନାରେ ଅଭିଯୋଗ ହୋଇଥିବାବେଳେ ଦୁଇ ଜଣଙ୍କୁ ଅଟକ ରଖି ପୋଲିସ ତଦନ୍ତ କରୁଛି । ଗାଁରେ ଏବେ ବି ଚାପା ଉତ୍ତେଜନା ଲାଗି ରହିଛି । ଅତିରିକ୍ତ ଏସପିଙ୍କ ସହ ୨ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି ।