ନନ୍ଦିଘୋଷ ବ୍ୟୁରେୋ : ଗାଜାରେ ଶାନ୍ତି ପ୍ରତିଷ୍ଠା ଲାଗି ନୂଆ ବର୍ଷରୁ ପଦକ୍ଷେପ। ଆଜି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ମଧ୍ଯରେ ହେବ ଆଲୋଚନା। ଏହା ସହ ଗାଜା ଲାଗି କିଛି ପ୍ରମୁଖ ଘୋଷଣା କରିପାରନ୍ତି ଟ୍ରମ୍ପ। ଏହି କଥାବାର୍ତ୍ତାରେ ଗାଜାରେ ଶାନ୍ତି ଫେରାଇଆଣିବା, ମଧ୍ୟପ୍ରାଚ୍ୟରେ ସ୍ଥିରତା ଆଦି ପ୍ରସଙ୍ଗରେ ହୋଇପାରେ ଆଲୋଚନା। ଫ୍ଲୋରିଡାସ୍ଥିତ ଟ୍ରମ୍ପଙ୍କ ମାର-ଏ-ଲାଗୋ ପ୍ରାସାଦରେ ଏହି ଭେଟଘାଟ ହେବ। ଗାଜା ଅସ୍ତ୍ରବିରତି କାହିଁକି ବିଳମ୍ବ ଘଟୁଛି ସେନେଇ ବି ହୋଇପାରେ ଆଲୋଚନା।
ଗାଜା ଉପରେ ଅଧିକ ଆକ୍ରମଣ କରିବା ଲାଗି ଟ୍ରମ୍ପଙ୍କ ସ୍ବୀକୃତିକୁ ନେତନ୍ୟାହୁ ଅପେକ୍ଷା କରିଛନ୍ତି ବୋଲି କୁହାଯାଉଛି। ଦୁଇ ନେତାଙ୍କ ମଧ୍ୟରେ ହୋଇଥିବା କଥାବାର୍ତ୍ତାର ଫଳାଫଳକୁ ଆସନ୍ତା ଜାନୁଆରୀ ଶେଷ ଭାଗରେ ହେବାକୁ ଥିବା ବିଶ୍ବ ଅର୍ଥନୈତିକ ସମ୍ମିଳନୀ ଫୋରମରେ ଟ୍ରମ୍ପ ଉପସ୍ଥାପିତ କରିବା ସମ୍ଭାବନା ରହିଛି।
