ନନ୍ଦିଘୋଷ ବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଅଦାଲତୀ ଝଟକା । H-1B ଭିସା ଉପରେ ଏକଲକ୍ଷ ଡଲାର ଫିସ ନିଷ୍ପତ୍ତିକୁ ରଦ୍ଦ କଲେ ୟୁଏସ କୋର୍ଟ । ନୂଆ H-1B ଭିସା ଉପରେ ଲଗାଇଥିବା ଏକଲକ୍ଷ ଡଲାର ଶୁଳ୍କକୁ ଅବୈଧ ଘୋଷଣା କରିବା ସହ ଏହାକୁ ରଦ୍ଦ କରିଛନ୍ତି କୋର୍ଟ । ସେପଟେମ୍ଵର ୧୯ରେ ଟ୍ରମ୍ପ H-1B ଭିସା ପାଇଁ ୧ ଲକ୍ଷ ଡଲାର୍ ଫି ଲାଗୁ କରିଥିଲେ। ଭାରତୀୟ ମୁଦ୍ରାରେ ଏହା ପ୍ରାୟ ୯୦ ଲକ୍ଷ ଟଙ୍କା । ଭାରତୀୟ ଛାତ୍ର ଓ ଆଇଟି ପ୍ରଫେସ୍ନାଲମାନେ ଏହା ଦ୍ଵାରା ହଇରାଣରେ ପଡ଼ିଥିଲେ । କିନ୍ତୁ ଏବେ ଏହାକୁ ଅବୈଧ ଘୋଷଣ କରିବା ସହ ରଦ୍ଦ କରିଥିବାରୁ ଆଶ୍ବସ୍ତି ମିଳିଛି ।
ପୂର୍ବରୁ H-1B ଭିସା ନିୟମରେ ଆଶ୍ଵସ୍ତି ମିଳିଥିଲା। ଯେଉଁମାନଙ୍କର ବର୍ତ୍ତମାନ ଏହି ଭିସା ଅଛି, ସେମାନଙ୍କୁ ନୂଆ ଫି ଦେବାକୁ ପଡ଼ିବ ନାହିଁ ବୋଲି ଘୋଷଣା କରିଥିଲେ ଟ୍ରମ୍ପ। ଏହା ସହିତ ଆମେରିକାରେ ଥିବା ଯେଉଁ ବିଦେଶୀ ଛାତ୍ରମାନଙ୍କୁ H-1B ଭିସା ସ୍ପୋନସର କରାଯାଇଛି, ସେମାନଙ୍କୁ ମଧ୍ୟ ନୂଆ ଫି ଦେବାକୁ ପଡ଼ିବ ନାହିଁ। F-1 ଭିସା ଆମେରିକାରେ ପଢୁଥିବା ବିଦେଶୀ ଛାତ୍ରଙ୍କୁ ପ୍ରଦାନ କରାଯାଇଥାଏ। L-1 ଭିସା ହେଉଛି ଚାକିରିଆମାନଙ୍କୁ ମଲଟିନ୍ୟାସନାଲ କମ୍ପାନୀମାନେ ପ୍ରଦାନ କରୁଥିବା ଭିସା, ଯେଉଁମାନଙ୍କୁ ଆମେରିକାକୁ ବଦଳି କରାଯାଇପାରିବ।
