ହେଲମେଟ ଚେକିଂବେଳେ ପୋଲିସକୁ ଚକମା ଦେବା ହେଲା କାଳ, ମୁକୁଳା ଡ୍ରେନରେ ବାଇକ ପଡ଼ିଯିବାରୁ ଦୁଇ ଅରୋହୀଙ୍କ ମୃତ୍ୟୁ

ବୌଦ୍ଧ: ହେଲମେଟ ଚେକିଂବେଳେ ପୋଲିସକୁ ଚକମା ଦେବା ହେଲା କାଳ । ମୁକୁଳା ଡ୍ରେନରେ ବାଇକ ଗଳି ପଡ଼ିବାରୁ ଦୁଇଜଣ ବାଇକ ଅରୋହୀଙ୍କ ମୃତ୍ୟୁ । ବୌଦ୍ଧ ଜିଲ୍ଲା ପୁରୁଣାକଟକ ଥାନା ପୋଲିସ ପକ୍ଷରୁ ଆଠମଲ୍ଲିକ ପୁରୁଣାକଟକ ରୋଡ଼ ବୁରୁବୁଡା ଠାରେ ହେଲମେଟ ଚେକିଂ ଚାଲିଥିଲା । ପୁରୁଣାକଟକ ପଟୁ ବାଇକରେ ଦୁଇଜଣ ଫାଇନରୁ ବର୍ତ୍ତିବା ପାଇଁ ଦୃତ ଗତିରେ ଆସୁଥିବା ବେଳେ ତିଳେଶ୍ୱର ବଜାର ମଧ୍ୟରେ ଥିବା ମୁକୁଳା ଡ୍ରେନରେ ଭାରସାମ୍ୟ ହରାଇ ଗଳି ପଡ଼ିଥିଲେ । ଫଳରେ ଉଭୟ ଘଟଣାସ୍ଥଳରେ ମୃତ୍ୟୁ ହୋଇଛି । ମୃତକ ହେଲେ ମଧୁସୂଦନପୁର ଗ୍ରାମର ରମେଶ ଦଳବେହେରା ଓ ମଣିକପୁର ଗ୍ରାମର ଗଣେଶ ପ୍ରଧାନ । ଉଭୟଙ୍କୁ ଆମ୍ବୁଲାନ୍ସ ଯୋଗେ ପୁରୁଣାକଟକ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି ।