ଦାନ୍ତେଓ୍ବାଡା: ଛତିଶଗଡ ଦାନ୍ତେଓ୍ବାଡାରେ ପୁଣି ମାତିଲେ ମାଓବାଦୀ। ଆଇଇଡି ବିସ୍ଫୋରଣରେ ଦୁଇ ଜଣ ସିଆରପିଏଫ ଯବାନ ଆହତ ହୋଇଛନ୍ତି। ଆହତ ଯବାନଙ୍କୁ ଚିକିତ୍ସା ଲାଗି ରାୟପୁର ହସ୍ପିଟାଲରେ ଭର୍ତ୍ତି କରାଯାଇଛି। ଆସନ୍ତାକାଲି ଛତିଶଗଡ଼ ବିଧାନସଭା ନିର୍ବାଚନ ଲାଗି ଗଣତି ହେବାକୁ ଯାଉଥିବାବେଳେ ଆଜି ସକାଳେ ଏହି ବିସ୍ଫୋରଣ ଘଟିଛି।
ବାରସୋର ପୋଲିସ ଥାନା ଅଧୀନସ୍ଥ ଇନ୍ଦ୍ରାବତୀ ନଦୀର ଶତଧର ବ୍ରିଜ ନିକଟରେ ମାଓବାଦୀ ବ୍ୟାନରରେ ଘୋଡ଼ାଯାଇଥିବା ଏକ ବିସ୍ଫୋରକକୁ ନିଷ୍କ୍ରିୟ କରିବାବେଳେ ଏହି ବିସ୍ଫୋରଣ ଘଟିଥିଲା। ଆଜିଠାରୁ ପିପୁଲ୍ସ ଲିବରେସନ ଗରିଲା ଆର୍ମି ସପ୍ତାହ ପାଳନ ହେଉଥିବାବେଳେ ସିଆରପିଏଫର ଏକ ବାଟାଲିୟନକୁ ସ୍ଥାନୀୟ ଅଞ୍ଚଳକୁ ପଠାଯାଇଛି।
