ନନ୍ଦିଘୋଷ ବ୍ୟୁରୋ : କୋଭିଡରେ ସଂକ୍ରମିତ ଆମେରିକା ରାଷ୍ଟ୍ରପତି ଜୋ ବାଇଡେନ। ଲସ ଭେଗାସରେ ନିର୍ବାଚନ ପ୍ରଚାର କରିବା ଲାଗି ଯିବା ବେଳେ ସେ କୋଭିଡ ସଂକ୍ରମିତ ହୋଇଥିବା ଜଣାପଡିଥିଲା। କୋଭିଡ ସଂକ୍ରମିତ ହେବା ପରେ ସେ ଆଇସୋଲେସନରେ ରହିଛନ୍ତି। ୮୧ ବର୍ଷ ବୟସ୍କ ରାଷ୍ଟ୍ରପତି ବାଇଡେନ କୋଭିଡ ସଂକ୍ରମିତ ଥିବା ନେଇ ସୂଚନା ଦେଇଛନ୍ତି ହ୍ବାଇଟ ହାଉସ ପ୍ରେସ ସଚିବ କାରିନ ଜାଁ ପିଏରେ। ରିପବ୍ଲିକାନ ପ୍ରାର୍ଥୀ ଡୋନାଲଡ ଟ୍ରମ୍ପଙ୍କ ସହ ନିର୍ବାଚନ ରଣନୀତିରେ କ୍ରମଶଃ ପଛେଇ ଯାଉଥିବା ବାଇଡେନଙ୍କ ଲାଗି ସମସ୍ଯା ବଢିଛି। ଗତ ଜୁଲାଇ ୧୩ରେ ହତ୍ଯା ଷଡ଼ଯନ୍ତ୍ରରୁ ଅଳ୍ପକେ ବର୍ତ୍ତି ଯାଇଥିବା ଟ୍ରମ୍ପଙ୍କ ଲାଗି ବର୍ତ୍ତମାନ ସୁଯୋଗ ବଢୁଥିବା ପରିଲକ୍ଷିତ ହେଉଛି।
ସେପଟେ ମେଡିକାଲ କାରଣକୁ ନେଇ ଯଦି ଡାକ୍ତରମାନେ ପରାମର୍ଶ ଦିଅନ୍ତି ତେବେ ସେ ରାଷ୍ଟ୍ରପତି ନିର୍ବାଚନରୁ ଓହରିବେ ବୋଲି କହିଛନ୍ତି ବାଇଡେନ। କୋଭିଡରେ ସଂକ୍ରମିତ ହେବା ପରେ ନିର୍ବାଚନ ପ୍ରଚାର କାର୍ଯ୍ୟରେ ବାଧା ସୃଷ୍ଟି ହେବା ଆଶଙ୍କା କରିଛନ୍ତି ବାଇଡେନ। ପୂର୍ବରୁ ସେ ମାନସିକ ସୁସ୍ଥ ଅଛନ୍ତି ଏବଂ ଦ୍ବିତୀୟ ଥର ଲାଗି ରାଷ୍ଟ୍ରପତି ହେବା ଲାଗି ସେ ଯୋଗ୍ଯ ବ୍ଯକ୍ତି ବୋଲି ଦର୍ଶାଇ ଆସୁଥିଲେ ବାଇଡେନ।
