ନନ୍ଦିଘୋଷ ବ୍ୟୁରୋ : ହଂକଂ ଇଣ୍ଟରନ୍ୟାସନାଲ ସିକ୍ସେସ୍ 2025ରେ ଭାରତ ଦମଦାର ଖେଳ ଆରମ୍ଭ କରିଥିଲା । ଟୁର୍ଣ୍ଣାମେଣ୍ଟ ଆରମ୍ଭରେ ପାକିସ୍ତାନ ଭଳି ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରି ବିଜୟ ହାସଲ କରିଥିଲା । କିନ୍ତୁ ଦ୍ୱିତୀୟ ଦିନରେ ସେମାନଙ୍କର ଭାଗ୍ୟ ପରିବର୍ତ୍ତନ ହୋଇଥିଲା। ପୁଲ୍ ସି’ର ଅନ୍ୟ ଏକ ମ୍ୟାଚ୍ରେ କୁୱେତଠାରୁ ପରାସ୍ତ ହେବା ପରେ ବଲ୍ ରାଉଣ୍ଡର ପ୍ରଥମ ମ୍ୟାଚ୍ରେ ଭାରତ ସଂଯୁକ୍ତ ଆରବ ଏମିରେଟ୍ସ (UAE) ଦ୍ୱାରା ଆଚମ୍ବିତ ଭାବରେ ପରାଜୟ ହୋଇଥିଲା। ମୋଙ୍ଗ୍ କକ୍ର ମିଶନ୍ ରୋଡ୍ ଗ୍ରାଉଣ୍ଡରେ ଖେଳାଯାଇଥିବା ଏକ ରୋମାଞ୍ଚକର ମ୍ୟାଚ୍ରେ, UAE ଏକ ବିଶାଳ ଲକ୍ଷ୍ୟକୁ ପିଛା କରି ଭାରତକୁ ଚାରି ୱିକେଟରେ ପରାସ୍ତ କରିଥିଲା।
ଦୁଇ ଦଳ ମଧ୍ୟରେ ଏହି ୬ ଓଭର ବିଶିଷ୍ଟ ମ୍ୟାଚ୍ରେ, UAE ଟସ୍ ଜିତି ଭାରତକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା, ଯାହା ହୁଏତ ଏକ ଭଲ ନିଷ୍ପତ୍ତି ପ୍ରମାଣିତ ହୋଇଥିଲା। କିନ୍ତୁ ଭାରତର ପ୍ରାରମ୍ଭିକ ୱିକେଟ୍ ହରାଇବା ପରିସ୍ଥିତିକୁ ଆହୁରି ଖରାପ କରିଥିଲା। ଓପନର୍ ଭାରତ ଚିପଲି ମାତ୍ର 4 ରନ କରି ନିଲାଂଶ କେଶୱାନିଙ୍କ ଦ୍ୱାରା କ୍ୟାଚ୍ ଆଉଟ୍ ହୋଇଥିଲେ। ଷ୍ଟୁଆର୍ଟ ବିନ୍ନି ପରବର୍ତ୍ତୀ ବଲ୍ରେ ନିଜର ଖାତା ଖୋଲିପାରି ନ ଥିଲେ ଏବଂ ନିଲାଂଶ କେଶୱାନିଙ୍କ ବଲରେ ପଡ଼ିଯାଇଥିଲେ। ତା’ପରେ ତୃତୀୟ ୱିକେଟ୍ କିପର ପ୍ରିୟଙ୍କ ପାଞ୍ଚାଲ ମଧ୍ୟ କେବଳ ଗୋଟିଏ ବଲ୍ର ସମ୍ମୁଖୀନ ହୋଇଥିଲେ, ଯାହା ଫଳରେ ଭାରତ 1.4 ଓଭରରେ 12/3 ହରାଇ ଦେଇଥିଲା। ଲାଗୁଥିଲା ଯେପରି ସମଗ୍ର ଦଳର ଶୀଘ୍ର ପତନ ହେଇଯିବ ।
କିନ୍ତୁ ଅଭିମନ୍ୟୁ ମିଥୁନ ଏବଂ ଦିନେଶ କାର୍ତ୍ତିକ ଦଳକୁ ଉତ୍ସାହିତ କରିଥିଲେ । ମିଥୁନ ୧୬ ବଲରେ ୫୦ ରନ୍ କରିଥିଲେ, ଯେଉଁଥିରେ ୪ ଚୌକା ଏବଂ ୫ ଛକା ସାମିଲ ଥିଲା, ଏବଂ ରିଟାୟାର ହର୍ଟ ହୋଇଥିଲେ। ଅନ୍ୟ ପାର୍ଶ୍ୱରେ ଦିନେଶ କାର୍ତ୍ତିକ ୧୪ ବଲରେ ୪୨ ରନ୍ କରିଥିଲେ ଯେଉଁଥିରେ ୪ ଚୌକା ଏବଂ ୪ ଛକା ସାମିଲ ଥିଲା। ଫଳସ୍ୱରୂପ ଭାରତୀୟ ଦଳ ୬ ଓଭରରେ ୩ ୱିକେଟ୍ ହରାଇ ୧୦୭ ରନ୍ କରିଥିଲା। ତଥାପି,ଏହି ଲକ୍ଷ୍ୟ ୟୁଏଇ ଦଳ ପାଇଁ ବହୁତ ଛୋଟ ପ୍ରମାଣିତ ହୋଇଥିଲା।
ଏହି ଟାର୍ଗେଟର ଜବାବରେ UAE ଭଲ ପ୍ରଦର୍ଶନ କରିତିଲା । UAE ଅଧିନାୟକ ଖାଲିଦ ଶାହ ମାତ୍ର 14 ବଲ୍ ରେ 50 ରନ୍ କରିଥିଲେ, ଯେଉଁଥିରେ ଚାରିଟି ଚୌକା ଏବଂ ପାଞ୍ଚଟି ବିଶାଳ ଛକା ଥିଲା। ଏହି ସମୟରେ ସାଗିର ଖାନ ମଧ୍ୟ 11 ବଲ୍ ରେ 31 ରନ୍ କରି ମ୍ୟାଚ୍ କୁ UAE ସପକ୍ଷରେ ଫେରାଇ ଆଣିଥିଲେ । ଏହା ପରେ ମହମ୍ମଦ ଆରଫାନ ପାଞ୍ଚ ବଲରେ 20 ରନ କରି ଦଳକୁ ବିଜୟୀ କରାଇଥିଲେ। UAE 5.5 ଓଭରରେ ଦୁଇଟି ୱିକେଟ୍ ହରାଇ ଏହି ଲକ୍ଷ୍ୟ ହାସଲ କରିଥିଲା।
