ରାୟଗଡ଼ା : ପୁଣି ଚର୍ଚ୍ଚାରେ କାଶିପୁର। ତାହା ପୁଣି ଅଜଣା ରୋଗକୁ ନେଇ। ରାୟଗଡା ଜିଲ୍ଲା କାଶିପୁର ବ୍ଲକ ମୁନୁଷପଦର ପରେ କାଶୀପୁର ବ୍ଲକ ସିମାନ୍ତ କଳାହାଣ୍ଡି ଜିଲ୍ଲା ଥୁଆମୂଳରାମପୁର ବ୍ଲକ ଅନ୍ତର୍ଗତ ସରପାସ୍ ଗ୍ରାମରେ ଅଜଣା ରୋଗ ଆତଙ୍କ। କିଛି ଦିନ ତଳେ ଜଣେ ଶିଶୁର ମୃତ ହୋଇଥିବା ବେଳେ ଅନେକ ଶିଶୁ ଆକ୍ରାନ୍ତ ହୋଇଛନ୍ତି। ଖବର ପାଇ ଗ୍ରାମକୁ ସ୍ବାସ୍ଥ୍ୟ ବିଭାଗ ଦଳ ପହଞ୍ଚି ଔଷଧ ବଣ୍ଟନ କରିବା ସହ ବିଶ୍ବ ସ୍ବାସ୍ଥ୍ୟ ସଂଗଠନ ଟିମ୍ ପହଞ୍ଚି ଆକ୍ରାନ୍ତଙ୍କ ଠାରୁ ନମୁନା ସଂଗ୍ରହ କରି ପରୀକ୍ଷଣ ପାଇଁ ପଠାଇଛନ୍ତି। ଡିପଥେରିଆ ନାମକ ରୋଗ ବ୍ୟାପିଥିବା ସନ୍ଦେହ କରାଯାଉଛି।
