କୋଭିଡ୍ ଭ୍ୟାକ୍ସିନର ୮୦ ସିସି ଦେଇ ପ୍ରଚାର କରୁଛି ଆମେରିକା; ଲୋକ କହିଲେ ଅଧିକ ଦେଇଛ, ଫେରେଇ ନିଅ

ୱାଶିଂଟନ୍: କରୋନା ସଂକ୍ରମଣ କାଳରେ କୋଭିଡ୍ ଟିକାକୁ ନେଇ ସବୁଠି ଚାହିଦା ବଢ଼ିଛି । ଏହାରି ଭିତରେ ଆମେରିକାର ଦାନକୁ ନେଇ ସୋସିଆଲ୍ ମିଡିଆରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି । କମ୍ ମାତ୍ରାର ଦାନକୁ ନେଇ ଆମେରିକା ପ୍ରଚାର କରୁଥିବାରୁ ଏହାକୁ ସହଜରେ ଗ୍ରହଣ କରିପାରି ନାହାଁନ୍ତି ସୋସିଆଲ୍ ମିଡିଆ ବ୍ୟବହାରକାରୀ । ସୋସିଆଲ୍ ମିଡିଆରେ ଆମେରିକାର ମଜାକ ଉଡ଼ାଉଛନ୍ତି । ଏତିକି ନୁହେଁ, ଚୀନର କିଛି ସାମ୍ବାଦିକ ଚୀନ ଦେଇଥିବା ସାହାଯ୍ୟ ସହ ମଧ୍ୟ ତାହାକୁ ତୁଳନା କରୁଛନ୍ତି । ଚୀନ କିଛିଦିନ ତଳେ ଏହି ଦେଶକୁ ୨ ଲକ୍ଷ ଡୋଜ୍ ସିନୋଫାର୍ମ ଭ୍ୟାକ୍ସିନ୍ ପଠାଇଥିଲା ।

ସୋସିଆଲ୍ ମିଡିଆରେ ଆମେରିକାର ଦାନକୁ ନେଇ ଚର୍ଚ୍ଚା କମ୍ ବେଶୀ ମଜା ଉଡ଼ୁଛି । ଅଧିକାଂଶ ବ୍ୟବାହାରକାରୀ କଡ଼ା ପ୍ରତିକ୍ରିୟା ଦେଉଛନ୍ତି । ଦାନର ମାତ୍ରା ବେଶ୍ କମ୍ ଥିବାବେଳେ ଆମେରିକା ଭ୍ୟାକ୍ସିନ୍ ଦେଇଥିବା ନେଇ ପ୍ରଚାର କରୁଛି । ୟୁଜର୍ସଙ୍କ ଅନୁସାରେ, ଫାଇଜର କୋଭିଡ୍ ଭ୍ୟାକ୍ସିନର ଏକ ବକ୍ସରେ ୧୯୫ ସିସି ରହୁଛି । ଆମେରିକା ୮୦ ଭ୍ୟାକ୍ସିନ୍ ଦେଇଥିବାରୁ କଣ ବକ୍ସ ଖୋଲିକରି ଭ୍ୟାକ୍ସିନ୍ ଦେଉଛି ବୋଲି ଲୋକେ ପ୍ରଶ୍ନ କରିଛନ୍ତି । ଫାଇଜରର ଗୋଟିଏ ସିସିରୁ ୫ ଜଣଙ୍କୁ ଟିକା ଦିଆ ଯାଇପାରିବ । ତ୍ରିନିଦାଦ ଓ ଟାବୈଗୋ ପଠାଯାଇଥିବା ୮୦ ସିସିରୁ ୪୦୦ ଲୋକଙ୍କୁ ଟିକା ଦିଆଯାଇ ପାରିବ । ଏହି ଭ୍ୟାକ୍ସିନ୍ ୨ଟି ଡୋଜରେ ଇମ୍ୟୁନିଟି ବଢ଼ାଏ । ଏମିତିରେ ୮୦ ସିସିରୁ ୨୦୦ ଲୋକଙ୍କୁ ୨ ଡୋଜ୍ ଟିକା ଦିଆଯାଇ ପାରିବ ।

USA Donates Vaccines to Trinidad and Tobago pic.twitter.com/5S0OTQfJU5

— U.S. Embassy Port of Spain (@USinTT) June 14, 2021

ବୁରହାନ ନାମକ ୟୁଜର ଲେଖିଛନ୍ତି, ମୁଁ ଭାବୁଛି ଆମେରିକା କିଛି ଅଧିକ ଦେଇ ଦେଇଛି । କିଛି ମାଗି କରି ନେଇଯାଉ ।

That is more like the amount of donating to a nursing home, not a whole country.

— Chen Weihua （陈卫华） (@chenweihua) June 14, 2021

ୟୁରୋପିଆନ୍ ୟୁନିୟନରେ ଚାଇନା ଡେଲିର ବ୍ୟୁରୋ ଚିଫ୍ ଚେଫ୍ ୱିହୁଆ ଲେଖିଛନ୍ତି, ଏହି ଡୋଜ୍ ଗୋଟିଏ ନର୍ସିଂ ହୋମକୁ ଦାନ କରିବା ପାଇଁ ଠିକ୍, ପୂରା ଦେଶ ପାଇଁ ନୁହେଁ ।