ନନ୍ଦିଘୋଷ ବ୍ୟୁରୋ: ଆମେରିକା ରାଷ୍ଟ୍ରପତି ନିର୍ବାଚନ ପ୍ରଚାରର ଏହା ଶେଷ ସପ୍ତାହ। ଆସନ୍ତା ନଭେମ୍ବର ୫ ତାରିଖରେ ଅନୁଷ୍ଠିତ ହେବ ଆମେରିକା ରାଷ୍ଟ୍ରପତି ନିର୍ବାଚନ। ରେସରେ ଭାରତୀୟ ବଂଶୋଦ୍ଭବ କମଳା ହାରିସଙ୍କ ସହ ପୂର୍ବତନ ରାଷ୍ଟ୍ରପତି ତଥା କମଳାଙ୍କ ପ୍ରତିନ୍ଦ୍ବନ୍ଦ୍ଵୀ ଡୋନାଲ୍ଡ ଟ୍ରମ୍ପଙ୍କର ହେବ କଡା ଟକ୍କର। ହାତରେ ଆଉ ମାତ୍ର କିଛି ଦିନ ରହିଥିବାରୁ ଉଭୟ ପ୍ରାର୍ଥୀ ଜୋରସାର ପ୍ରଚାର ଚଳାଇଛନ୍ତି। ଡେମୋକ୍ରେଟିକ ପ୍ରାର୍ଥୀ କମଳା ହାରିସଙ୍କ ପାଇଁ ପ୍ରଚାର କରିଛନ୍ତି ପୂର୍ବତନ ରାଷ୍ଟ୍ରପତି ବାରାକ ୱବାମା। ସେପଟେ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଅନେକ ଧାର୍ମିକ କାର୍ଯ୍ୟକ୍ରମରେ ସାମିଲ ହୋଇ ଭୋଟ ମାଗିଥିଲେ।
କମଳା ହାରିସ ପେନସିଲଭାନିଆରେ ଏକ ରାଲି କରିଥିଲେ।ଆମେରିକାର ପେନସିଲଭାନିଆ ସ୍ଵିଙ୍ଗ୍ ଷ୍ଟେଟ୍ ଭାବେ ପରିଚିତ। ଏଠାକାର ଭୋଟ କେତେବେଳେ ବି ବଦଳିଯିବା ସମ୍ଭାବନା ରହିଛି। ସେଥିଲାଗି ଦୁଇ ରାଷ୍ଟ୍ରପତି ପ୍ରାର୍ଥୀ ଏଠାରେ ଜୋରଦାର ପ୍ରଚାର କରିଛନ୍ତି। ଦୁଇ ପ୍ରାର୍ଥୀଙ୍କ ମଧ୍ୟରେ ଜୋରଦାର ଲଢେଇ ହେବ। ସେପଟେ କମଳା ହାରିସଙ୍କ ସମର୍ଥନରେ ଭାରତୀୟ ବଂଶଦ୍ଭବ ଭୋଟ କମିଥିବା ଜଣାପଡିଛି। ଭାରତୀୟଙ୍କ ଭୋଟ ଡୋନାଲ୍ଡ ଟ୍ରମ୍ପଙ୍କ ସମର୍ଥନରେ ଅଧିକ ରହିଛି।
