ଏ ଦେଶର ରାଷ୍ଟ୍ରପତିଙ୍କୁ ଧରିବାକୁ ଲାଦେନ ଓ ବଗଦାଦି ଠାରୁ ଦୁଇ ଗୁଣା ପୁରସ୍କାର ଘୋଷଣା କଲା ଆମେରିକା

ନନ୍ଦିଘୋଷ ବ୍ୟୁରୋ: ନା ଆତଙ୍କବାଦ ଅଭିଯୋଗ, ନା ଗ୍ୟାଙ୍ଗଷ୍ଟା । ତଥାପି ଜଣେ ବ୍ୟକ୍ତିଙ୍କୁ ଖୋଜୁଛି ଆମେରିକା । ତାଙ୍କୁ ଧରାଇ ଦେବା ଲୋକଙ୍କୁ ୫୦ ମିଲିୟନ ଡଲାର (୪ ଶହ କୋଟି) ଦେବାକୁ ଆମେରିକା ପ୍ରସ୍ତୁତ । ଏ ବ୍ୟକ୍ତି ଜଣଙ୍କ କୌଣସି ସାଧାରଣ ଲୋକ ନୁହେଁ । ଏ ହେଉଛନ୍ତି ଏକ ରାଷ୍ଟ୍ରନେତା । ଆଉ ଭେନଜୁଆଲାର ରାଷ୍ଟ୍ରପତି ନିକୋଲସ ମାଦୁରୋ । ଯିଏ ଆମେରିକାର ନିଦ ହଜାଇଛନ୍ତି । ମାଜୁରଙ୍କୁ ନେଇ ଆମେରିକା ଏତେ ଚିନ୍ତିତ ଯେ, ଅଲକାୟଦା ମୁଖ୍ୟ ଓସାମା ବିନ ଲାଦେନ ଏବଂ ଇସଲାମିକ୍ ଷ୍ଟେଟର ଅବୁ ବକର ବଗଦାଦିଠାରୁ ଦୁଇଗୁଣା ପୁରସ୍କାର ଘୋଷଣା କରିଛି ।

ସୂଚନାଯୋଗ୍ୟ, ଲାଦେନ ଓ ବଗଦାଦିଙ୍କୁ ଧରାଇ ଦେବାକୁ ଆମେରିକା ୨୫ ମିଲିୟନ ଡଲାର ଘୋଷଣା କରିଥିଲା । ଏମିତି ସ୍ଥିତିରେ ପ୍ରଶ୍ନ ଉଠୁଛି, କାହିଁକି ଆମେରିକା ଭେନଜୁଆଲା ରାଷ୍ଟ୍ରପତିଙ୍କୁ ଧରିବାକୁ ପାଣି ଭଳି ଟଙ୍କା ଖର୍ଚ୍ଚ କରିବାକୁ ପ୍ରସ୍ତୁତ ।

ନିକୋଲସ ମାଦୁରୋଙ୍କ ଉପରେ ପୁରସ୍କାର କାହିଁକି ?

ଆସନ୍ତୁ ଜାଣିବା ଭେନଜୁଆଲାର ରାଷ୍ଟ୍ରପତି ନିକୋଲସ ମାଦୁରୋ କିଏ ? କାହିଁକି ଆମେରିକା ତାଙ୍କୁ ଧରାଇ ଦେବାକୁ ପୁରସ୍କାର ଘୋଷଣା କରିଛି ? କାହିଁକି ଆମେରିକା ମାଦୁରୋଙ୍କୁ ଏତେ ଭୟ କରୁଛି ?

ଆମେରିକା ବେଦାଶ ମନ୍ତ୍ରୀ ମାର୍କ ରୁବିୟୋଙ୍କ ଅନୁସାରେ, ନିକୋଲସ ମାଦୁରୋ ଡ୍ରଗ୍ସ କାରବାରର ମୁଖିଆ । ମାଦୁରୋଙ୍କ ନିର୍ଦ୍ଦେଶରେ ଆମେରିକାକୁ ଡ୍ରଗ୍ସ ଚାଲାଣ କରାଯାଇଥାଏ । ଆମେରିକା ତଦନ୍ତକାରୀ ସଂସ୍ଥାଙ୍କ ଅନୁସାରେ ଭେନଜୁଆଲା ସାରା ବିଶ୍ବରେ ଡ୍ରଗ୍ସ ଚାଲାଣ ପାଇଁ ସେତୁ ଭାବେ କାମ କରିଥାଏ । ଏହି ଦେଶ ଦେଇ ପ୍ରତିବର୍ଷ ପାଖାପାଖି ୨୫୦ ମେଟ୍ରିକ ଟନ୍ ଡ୍ରଗ୍ସ ଆମେରିକା ଆସୁଛି । ଏହାସହ ଭେନଜୁଆଲା ରାସ୍ତା ଦେଇ ନକଲି ପାର୍ସପୋଟ ଜରିଆରେ କିଛି ଆତଙ୍କବାଦୀ ଆମେରିକାରେ ପ୍ରବେଶ କରିଛନ୍ତି ।

ବ୍ରିଟିଶ ଖବରକାଗଜ ଡେଲି ମେଲ୍ ଅନୁସାରେ, ଅବୈଦ୍ଧ ଇରାନୀ ପ୍ରବାସୀଙ୍କୁ ନିଜ ପାସପୋର୍ଟ ଜରିଆରେ ଭେନଜୁଆଲା ଆମେରିକା ପଠାଉଛି । ରିପୋର୍ଟରେ ଆଶଙ୍କା ପ୍ରକାଶ କରାଯାଇଛି, ଭେନଜୁଆଲା ରାସ୍ତାରେ ନକଲି ପାର୍ସପୋଟ ଜରିଆରେ କିଛି ଆତଙ୍କବାଦୀ ମଧ୍ୟ ପ୍ରବେଶ କରିଛନ୍ତି ।

ଆମେରିକାର ଅଟର୍ଣ୍ଣି ଜେନେରାଲ ପାମ ବୋଡିଂଙ୍କ ଅନୁସାରେ, ଆମେ ଭେନଜୁଆଲା ରାଷ୍ଟ୍ରପତିଙ୍କୁ ଧରାଇ ଦେବାକୁ ପୁରସ୍କାର ରାଶି ଦୁଇ ଗୁଣା କରିବାକୁ ନିଷ୍ପତ୍ତି ନେଇଛୁ । କାରଣ ମାଦୁରୋ ସିଧାସଳଖ ନିଶାଦ୍ରବ୍ୟ ଚାଲାଣରେ ସାମିଲ ହୋଇଛନ୍ତି । ତେବେ ଭେନଜୁଆଲା ବିଦେଶମନ୍ତ୍ରୀ ଇଓ୍ବାନ ଗିଲ ଟେଲିଗ୍ରାମରେ ପୋଷ୍ଟ କରି ଏହାକୁ ଅର୍ଥହୀନ ବୋଲି କହିଛନ୍ତି ।

ଭେନଜୁଆଲା-ଆମେରିକା ବିବାଦ

ଏହି ଦୁଇ ଦେଶ ମଧ୍ୟରେ ବିବାଦ ବହୁତ ପୁରୁଣା । ଏହି ଦକ୍ଷିଣ ଆମେରିକୀୟ ଦେଶର ଶାସନ ଭାର ୧୯୯୯ରେ ହୁଗୋ ଚାଭେଜଙ୍କ ହାତକୁ ଯାଇଥିଲା । ଏହାପରେ ଚାଭେଜ, ଆମେରିକାର ସାମ୍ରାଜ୍ୟବାଦ ବିରୋଧରେ ମୋର୍ଚ୍ଚା ଖୋଲି ଦେଇଥିଲେ । ଚାଭେଜଙ୍କୁ ଶାନ୍ତ କରିବାକୁ ଆମେରିକା ସରକାର ପରିବର୍ତ୍ତନ ପାଇଁ ଉଦ୍ୟମ କରି ବିଫଳ ହୋଇଥିଲା । ଚାଭେଦ ନିଜ ଶାସନ କାଳରେ ଭେନଜୁଆଲାରେ ମନ୍ୟୁନିଷ୍ଟ ବିଚାରଧାର ଲାଗୁ କରିଥିଲେ । ଯେଉଁ କାରଣରୁ ଆମେରିକାକୁ ବହୁତ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଭେନଜୁଆଲାର ବର୍ତ୍ତମାନ ରାଷ୍ଟ୍ରପତି ନିକୋଲସ ମାଦୁରୋ ହେଉଛନ୍ତି ଚାଭେଦଙ୍କ ରାଜେନୖତିକ ଶିଷ୍ୟ । ମାଦୁରୋ ମଧ୍ୟ ଆମେରିକା ବିରୋଧରେ କୁଟନୈତିକ ସ୍ତରରେ ଆକ୍ରମଣାତ୍ମକ ରହିଥାନ୍ତି ।