ନନ୍ଦିଘୋଷ ବ୍ୟୁରୋ: ସାମ୍ନାକୁ ଆସିଲା ମନ୍ତ୍ରୀଙ୍କ ପୁତୁରାର ଗୁଣ୍ଡାଗିରି। ସୁକିନ୍ଦା ବିଧାୟକ ତଥା ରାଜ୍ୟ ସମବାୟ ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳସାମନ୍ତଙ୍କ ପୁତୁରା ତଥା ଶାଳକଙ୍କ ପୁଅ ରଶ୍ମିରଞ୍ଜନ ବେହୁରା ବନବିଭାଗ କର୍ମଚାରୀଙ୍କ ସହ ଝଗଡ଼ା କରି ବେଆଇନ ଭାବେ ମୋରମ ବୋଝେଇ ଟ୍ରକ୍ ଛଡ଼େଇ ନେଇଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ବନବିଭାଗ ପକ୍ଷରୁ ଥାନାରେ କୌଣସି ଏତଲା ଦିଆଯାଇ ନଥିବା ଜଣାପଡ଼ିଛି। ଯାଜପୁର ଜିଲ୍ଲା ସୁକିନ୍ଦା ବନଖଣ୍ଡ ଅଧିନସ୍ଥ ବନ୍ଧଗାଁ ମୌଜାର ଜଙ୍ଗଲ ଜମିରୁ ଚୋରା ଚାଲାଣ ବେଳେ ଗତକାଲି ମୋରମ ବେଝେଇ ଟ୍ରକକୁ ଅଟକାଇଥିଲା ବନ ବିଭାଗ। ପଚରାଉଚରା ବେଳେ ମନ୍ତ୍ରୀ ପ୍ରଦୀପ ବଳସାମନ୍ତଙ୍କ ପୁତୁରା ରଶ୍ମିରଞ୍ଜନ ବେହୁରା ପହଞ୍ଚି ବନ ବିଭାଗ କର୍ମଚାରୀଙ୍କୁ ନାଲି ଆଖି ଦେଖାଇ ଛଡ଼ାଇ ନେଇଥିଲେ ମୋରମ ବୋଝେଇ ଟ୍ରକ। ତେବେ ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରଲ୍ ହେବାରେ ଲାଗିଛି।…
