ଦେଖା କରିବାକୁ ଆସିଥିଲା ପ୍ରେମିକ, ଧରା ପଡ଼ିବା ଭୟରେ ଟ୍ରଙ୍କରେ ଭର୍ତ୍ତି କରିଦେଲା ପ୍ରେମିକା

ବାରିପଦା: ପ୍ରେମିକଙ୍କୁ ଟ୍ରଙ୍କରେ ତାଲା ପକାଇଲେ ପ୍ରେମିକା । ପଢ଼ିବାକୁ ଅଡ଼ୁଆ ଲାଗୁଥିଲେ ମଧ୍ୟ ଏମିତି ଘଟିଛି ମୟୂରଭଞ୍ଜ ଜିଲ୍ଲାର ଶୁକୃଳି ବ୍ଲକରେ । ଯେଉଁଠି ଜଣେ ଯୁବତୀ ତାଙ୍କ ପ୍ରେମିକକୁ ଟ୍ରଙ୍କରେ ତାଲା ପକାଇ ଦେଇଛନ୍ତି । ପରିବାରର ସଦସ୍ୟଙ୍କ ଠାରୁ ପ୍ରେମିକଙ୍କୁ ବଞ୍ଚାଇବା ପାଇଁ ଏମିତି କରିଛନ୍ତି ଯୁବତୀ ।

ଆଉ ଶେଷରେ ଭାଇ ହାତରେ ଧରା ପଡ଼ିଛି ଭଉଣୀ । ସମସ୍ତଙ୍କ ଗୋପନରେ ପ୍ରେମିକାକୁ ଭେଟିବାକୁ ଆସିଥିଲା ପ୍ରେମିକ । ଘରେ କେହି ନଥିଲେ । ସେହି ସୁଯୋଗରେ ପ୍ରେମିକାକୁ ଭେଟିବାକୁ ଆସିଥିଲା ପ୍ରେମିକ । ତା’ପରେ ହଠାତ୍ ଆସିଗଲେ ଘର ଲୋକ । କଣ କରିବେ କିଛି ବୁଦ୍ଧିବାଟ ଦିଶିଲାନି । ଶେଷରେ ପ୍ରେମିକକୁ ଟ୍ରଙ୍କରେ ପୁରାଇ ଚାବି ମାରିଲା ପ୍ରେମିକା ।

ଘର ଲୋକ ଆସି ଝିଅକୁ ପଚରାଉଚରା କରିଥିଲେ । ହଡ଼ବଡ଼େଇ ଯିବା ଓ ପାରିପାର୍ଶ୍ୱିକ ସ୍ଥିତିରୁ ଜାଣି ପାରିଥିଲେ ଯୁବକ ଜଣଙ୍କ ଟ୍ରଙ୍କରେ ଛପିଛି । ପରେ ପ୍ରେମିକା ଟ୍ରଙ୍କର ଚାବି ଖୋଲିବାରୁ ଯୁବକ ଜଣଙ୍କ ତା’ଭିତରୁ ବାହାରି ଥିଲେ । ଏଭଳି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଥିବା ବେଳେ ମୋବାଇଲରୁ ମୋବାଇଲକୁ ଘୁରି ବୁଲୁଛି ।