ଭୁବନେଶ୍ୱର: ସୋସିଆଲ ମିଡିଆ ‘ଏକ୍ସ’ରେ ଟ୍ରେଣ୍ଡ କରୁଛି #VKPandianInmetaverse। ବିଶ୍ବ ଓଡିଆ ଭାଷା ସମ୍ମିଳନୀରେ ଆୟୋଜିତ ପ୍ରଦର୍ଶନୀ ବୁଲିବାବେଳେ 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ ମେଟାଭର୍ସ ଷ୍ଟଲକୁ ଯାଇ ଟେକନିକ ଦେଖି ଅଭିଭୂତ ହୋଇଥିଲେ । ଏହି ପ୍ରସଙ୍ଗ ଏବେ ଏକ୍ସରେ ଟ୍ରେଣ୍ଡ କରୁଛି ।
ମେଟାଭର୍ସ କଣ ବୋଲି ଯୁଜର୍ସଙ୍କ ମନରେ ଉତ୍କଣ୍ଠା ସୃଷ୍ଟି କରିଛି। ବିଶ୍ବ ଓଡିଆ ଭାଷା ସମ୍ମିଳନୀରେ ଓଡ଼ିଆ ଭାଷା ଓ ସଂସ୍କୃତି ଆଗକୁ କଣ ହେବ ସେନେଇ ଗଠନ କରାଯାଇଛି ଡୋମ ଅଫ ଫ୍ଯୁଚର। ଡୋମ ଅଫ ଫ୍ଯୁଚରର ଗୋଟିଏ ଅଂଶ ହେଉଛି ମେଟାଭର୍ସ। OCAC ମେଟାଭର୍ସକୁ ଡିଜାଇନ କରିଛି। ଯେଉଁଥିରେ ଆୟୋଜିତ ପ୍ରଦର୍ଶନୀକୁ ଆପଣ ଘରେ ବସି ମୋବାଇଲ ଜରିଆରେ ଦେଖିପାରିବେ। ଏଥିପାଇଁ ସ୍ୱତନ୍ତ୍ର QR କୋଡ୍ ପ୍ରସ୍ତୁତ ହୋଇଛି। ଯାହାର ନିଜେ ପ୍ରତ୍ଯକ୍ଷ ଅନୁଭୂତି ନେଇଥିଲେ 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ।
ଗୋଟିଏ ଜାଗାରେ ରହି ପୂରା ପ୍ରଦର୍ଶନୀ ଦେଖି ପ୍ରଶଂସା କରିଥିଲେ। ପ୍ରଦର୍ଶନୀର ମେଟାଭର୍ସ ଡିଜାଇନ୍ ଯୁବପିଢିଙ୍କ ମନ ଜିତୁଥିବାବେଳେ 5T ଅଧ୍ଯକ୍ଷ ଷ୍ଟଲ ପରିଦର୍ଶନ ପରେ ଏହା ଏବେ ଟ୍ରେଣ୍ଡ କରୁଛି।
