ନନ୍ଦିଘୋଷ ବ୍ୟୁରୋ: ଆସନ୍ତାକାଲି ଲୋକସଭାରେ ଉପସ୍ଥାପିତ ହେବ ୱାକଫ୍ ବିଲ। କିଛି ଦିନ ତଳେ ଏହି ବିଲ୍ ର ଚିଠା ଜେପିସିର ଅନୁମୋଦନ ଲାଭ କରିଥିଲା। କିନ୍ତୁ ବିରୋଧୀ ସାଂସଦଙ୍କ ମତକୁ ଏଥିରେ ଧ୍ୟାନ ଦିଆଯାଇନଥିବାର ଅଭିଯୋଗ ହୋଇଛି। ବିରୋଧୀ ସାଂସଦମାନେ ଅଭିଯୋଗ କରିଛନ୍ତି, କେବଳ ଶାସକ ଦଳ ଦେଇଥିବା ପ୍ରସ୍ତାବକୁ ଚିଠା ବିଲରେ ସ୍ଥାନିତ କରାଯାଇଛି। ଏପରିକି ଅସନ୍ତୋଷ ପ୍ରକାଶ କରି ଯେଉଁ ମନ୍ତବ୍ୟ ବିରୋଧୀ ଦଳର ସାଂସଦମାନେ ମତ ଦେଇଥିଲେ, ତାକୁ ସ୍ଥାନିତ କରାଯାଇ ନାହିଁ। ଗତ ଜାନୁଆରି ୩୦ ତାରିଖରେ ଚିଠା ବିଲ୍ କୁ ବାଚସ୍ପତିଙ୍କୁ ପ୍ରଦାନ କରାଯାଇଥିଲା। ଜେପିସିର ଅଧ୍ୟକ୍ଷ ଜଗଦମ୍ଵିକା ପାଲ୍ ସେତେବେଳେ କହିଥିଲେ, ଆମେ ଚିଠା ବିଲକୁ ଗ୍ରହଣ କରିଛୁ। ପ୍ରଥମ ଥର ପାଇଁ ଅବହେଳିତ, ଗରିବ, ମହିଳା ଓ ଅନାଥଙ୍କ ନିକଟକୁ ଯିବ ୱାକଫ୍।
