ନନ୍ଦିଘୋଷ ବ୍ୟୁରୋ: ବିସ୍ଫୋରଣରେ ପୁଣି ଥରିଲା ଲେବାନନ। ପେଜର୍ ପରେ ୱାକି ଟକିରେ ହୋଇଛି ବିସ୍ଫୋରଣ। ଆଇକମ ଡିଭାଇସରେ ଏହି ବିସ୍ଫୋରଣ ହୋଇଛି। ଏହା ଆଗରୁ ପେଜରରେ ହୋଇଥିଲା ବିସ୍ଫୋରଣ। ଏହି ଦୁଇ ନୂଆ ଆକ୍ରମଣରେ ୩୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଏଥିରେ ହେଜବୁଲ୍ଲାର ଅନେକ ସଦସ୍ୟ ଅଛନ୍ତି। ପ୍ରାୟ ଶହେ ଜଣ ଆହତ ହୋଇଥିବାର ସୂଚନା ମିଳିଛି।
ଲେବାନନରେ ସକ୍ରିୟ ଆତଙ୍କୀ ସଂଗଠନ ହେଜବୁଲ୍ଲାକୁ ଟାର୍ଗେଟ କରି ପକେଟ୍ ବୋମା ଦ୍ଵାରା ବିସ୍ଫୋରଣ କରାଯାଇଛି। ଗୋଟି ଗୋଟି କରି ଏକାଧିକ ୱାକିଟକି ବ୍ଲାଷ୍ଟ ହୋଇଥିଲା। ବିସ୍ଫୋରଣରେ ଲହୁଲୁହାଣ ହୋଇଛି ଲେବାନନ।
ବୁଧବାର ଲେବାନନରେ ପେଜର ବିସ୍ଫୋରଣ ଘଟିଥିଲା। ଏଥିରେ ହଜାରରୁ ଅଧିକ ଆହତ ହୋଇଥିଲେ। ବିସ୍ଫୋରଣକୁ ନେଇ ଇସ୍ରାଏଲକୁ ଟାର୍ଗେଟ କରିଛି ଲେବାନନରେ ସକ୍ରିୟ ଆତଙ୍କୀ ସଂଗଠନ ହେଜବୁଲ୍ଲା ।
