ନନ୍ଦିଘୋଷ ବ୍ୟୁରୋ : କାନ୍ଥ ଭୁଶୁଡ଼ି ପଡ଼ିବାରୁ ଦୁଇଜଣ ମହିଳାଙ୍କ ମୃତ୍ୟୁ ଘଟିଛି । ବାଙ୍ଗିରିପୋଷି ବ୍ଲକ ଅନ୍ତର୍ଗତ ଶ୍ୟାମସୁନ୍ଦରପୁର ଗ୍ରାମପଞ୍ଚାୟତର ଭୁଲାଣପୁର ଗାଁର ଲଗାଣ ବର୍ଷା ଯୋଗୁଁ ଭୁଶୁଡ଼ି ପଡ଼ିିଛି କାନ୍ଥ । ମୃତ ମହିଳା ଜଣକ ହେଲେ ୫୦ ବର୍ଷୀୟ ଲକ୍ଷ୍ମୀ ସିଂ । ରାତିତମାମ ପ୍ରବଳ ବର୍ଷା ହେଉଥିବାରୁ ବର୍ଷା ପାଣିରେ ଘର କାନ୍ଥ ବତୁରି ଯାଇଥିଲା । ସକାଳୁ ଘରୁ ଜିନିଷ କାଢୁଥିବା ବେଳେ ହଠାତ୍ ଓଦା ମାଟି କାନ୍ଥଟି ତାଙ୍କ ଉପରେ ଭୁଶୁଡ଼ି ପଡ଼ିଥିଲା । ଫଳରେ ସେ କାନ୍ଥ ତଳେ ଚାପି ହୋଇ ରହିଯାଇଥିଲେ । ପରିବାର ଲୋକେ ତାଙ୍କୁ ଉଦ୍ଧାର କରିବା ସହ ୧୦୮ ଆମ୍ବୁଲାନ୍ସ ଯୋଗେ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହପରି ତିରିଂ ବ୍ଲକ ଅନ୍ତର୍ଗତ ମାତକମଡିହି ଗ୍ରାମରେ କାନ୍ଥ ଭୁଶୁଡ଼ି ପଡ଼ିବା ଫଳରେ ଜଣେ ମହିଳାଙ୍କର ଶୋଚନୀୟ ମୃତ୍ୟୁ ଘଟିଛି । ମୃତକ ଜଣକ ହେଲେ ମାତକମଡିହି ଗ୍ରାମରେ ଗ୍ରାମର ୪୫ ବର୍ଷୀୟା ଶିଙ୍ଗ ମୁର୍ମୁ ।…
